Висок притисок кај идните мајки го зголемува ризикот од мозочен удар кај децата подоцна во животот, покажало ново истражување. Резултатите укажуваат дека хипертензивните нарушувања за време на бременоста се поврзани со зголемени ризици од мозочен удар и потенцијални срцеви болести кај децата на возраст до 41 година.
Децата чии мајки за време на бременоста имале висок крвен притисок имале за 29 проценти поголем ризик од болести на срцето и 33 проценти поголем ризик од мозочен удар, покажало истражувањето.
Ако овие резултати се потврдат со понатамошни студии, би можело да се преземат чекори за превенција од кардиоваскуларни болести кај децата кои се изложени на хипертензивни нарушувања во бременоста – на пример фокусирање на здравјето на мајката и проверка на децата за ризик фактори како висок притисок во рана фаза од животот.
