Познато е дека загадениот воздух влијае на физичкото здравје, а резултати од истражување сега заклучуваат дека влијае и на нашето психичко здравје. Имено, нова студија покажала дека децата кои се изложени на високо ниво на загаден воздух во текот на растењето, имаа зголемен ризик од развој на шизофренија.
Се покажало дека колку е поголем степенот на загадување на воздухот, толку е поголем ризикот од развој на шизофренија. За секој пораст на дневниот просек на загаденост на воздухот од 10 µg/m3, ризикот од шизофренија се зголемува за 20%. Децата изложени на просечно дневно ниво над 25 µg/m3, имаат приближно 60 проценти поголем ризик од развој на шизофренија во споредба со децата кои се изложени на загаден воздух помал од 10 µg/m3.
Ризикот од развој на шизофренија е исто така поголем кај лицата кои имаат поголема генетска предиспозиција за оваа болест.
