Бременоста во некои ситуации оправдано се нарекува поинаква состојба. Жената доживува бројни физички промени за време на бременоста, но и по породувањето. Покрај зголемувањето на телесната тежина, на секоја трудница и се зголемуваат градите, се појавуваат стрии, видот може да се влоши или подобри, а и косата доживува промена. Повеќето трудници велат дека нивната коса никогаш не била толку густа и сјајна како за време на бременоста. По породувањето, повеќето трудници сакаат да ја вратат старата телесна тежина, но има еден дел од телото кој никогаш нема да се врати во првобитната состојба.
Станува збор за стапалата кои можат да се зголемат за цел број за време на бременоста. Како што покажуваат истражувањето, ова е трајна промена. Истражувачите ги тестирале промените на стапалата на голем број трудници, и тоа за време на нивната бременост, по породувањето, па дури и една година по породувањето.
Лекарите веруваат дека за време на бременоста лакот на стапалото се израмнува, веројатно поради дополнителната тежина и зголеменото количество воздух во зглобовите поврзано со бременоста. Во ново истражување, чии резултати беа објавени во списанието American Journal of Physical Medicine & Rehabilitation, експертите заклучуваат дека растот на стапалата веројатно е трајна промена.
„Сум слушнал дека голем број на жени велат дека нивните стапала стануваат поголеми за време на бременоста, но за тоа ништо не пронајдов во стручни списанија и книги“, вели Нил Сегал, професор по ортопедија и рехабилитација на Универзитетот во Ајова.
„Со цел научно да го проучиме овој феномен, ги измеривме стапалата на жените веднаш на почетокот на бременоста и пет месеци по породувањето. Откривме дека бременоста навистина води до трајни промени на стапалата“, се наведува во неговото соопштение.
Во студијата учествувале 49 трудници на кои им биле земени статички и динамички мерки, а 60-70% од жените во студијата имале подолги стапала за речиси 1 см, стапалата им биле пошироки и имале понизок лак.
Интересно е што најголемите промени во женското тело се случуваат во првата бременост, додека во втората, третата и сите наредни бремености нема толку големи промени, како што е растот на стапалата.
