Дури и многу мали деца се подоложни на некои пореметувања пред доаѓање на промени на времето – било топло или ладно. Во најраното детство децата се чувствителни на промена на времето поради едноставен факт, а тоа е дека нивните природни одбранбени способности (имунитетот) се уште не се созреани. Нивниот организам се уште не поседува “оружје“ за одбрана, па затоа е изложен на негативни влијание на промената на времето и климата. Променената на годишните времиња како зима во пролет и лето во есен, значајно влијаат на детското здравје.
Кога станува збор за метеоропатијата, не се работи за некакви умислени проблеми кои ги носи лошото време, туку за реални пречки и непријатности. Пречките кои се јавуваат се последица на неспособност на организмот, кој не е во состојба да се прилагоди на метеоролошките и климатските промени.
Кога се во прашање децата, оваа појава е нагласена поради се уште недоволната физиолошка т.е природна зрелост на системот за телесна терморегулација, механизам кој има задача да внатрешната температура на телото ја одржува постојана, т.е. 36,5-37 степени.
Тешко е да се утврди на кој начин пореметувањата предизвикани од промена на времето и климата се отчитуваат во детската возраст. Се уште не постојат истражувања кои јасно би покажале како промените на времето делуваат на децата во најраната возраст. Она што најмногу се знае, се темели на забелешки и искуства на одредени симптоми кои се јавуваат, а наведуваат на мисла дека се најверојатно се условени од промени на времето, ако се непредвидливи.
Тука пред се се споменува немир во текот на денот и ноќта со често будење, поголема количина на урина, енуреза (неконтролирано ноќно мокрење кај децата кои постигнале контрола на сфинктерот), засилено потење, особено во првиот дел на спиење.
