Месото во оброците на бебињата не треба да се воведува пред осмиот месец од животот. Во врска со прашањето кога бебето преминува на цврста храна постојат различни мислења и добро е што постои рамка од три-четири месеци кога тоа обично се прави. Тоа може да се почувствува навечер, кога детето се буди повеќе пати, од вообичаено, оти е гладно.
Посилна храна, секако е месото или комбинацијата на месо и зеленчук во форма на кашичка. Но, не секое месо е добро, па се препорачува воведување на она “најлесното“, односно пилешко и мисиркино.
Многумина ќе помислат и на телешко, но структурата на ова месо е поинаква и ако не многу младо, не доаѓа предвид. Сепак, една работа е кога купувате готови кашички, а сосема друга кога ги подготвувате сами.
На бебињата им треба време да се навикнат на вкусот на месото. Затоа е најдобро месото убаво да се вари, и во водата да се додаде зеленчукот или намирниците кои ги планирате да ги ставите во бебешкиот оброк, оти така ќе се задржат месните сокови кои се важни за детето.
