Жените кои на нивните бебиња сакаат преку мајчиното млеко да им пренесат заштитни антитела индуцирани со вакцина против КОВИД-19, треба да се одлучат за оние на база на информациската РНА (mRNA), покажуваат податоците објавени на почетокот на оваа недела во списанието JAMA Pediatrics.
За потребите на истражувањето, 124 млади мајки доилки дале 17 примероци од млекото во период од 100 дена.
Дел од нив примиле вакцина на база на информациска РНА, а дел биле ваккцинирани со векторска вакцина.
Научниците откриле два вида антитела во примероци од млекото – IgA антитела и IgG антитела, а се смета дека двата типа имаат важна улога во заштита на доенчињата.
Речиси сите доилки, 97% од нив, кои биле вакцинирани со две дози вакцина на база на информациска РНА во млекото имале детектабилни IgA антитела.
Само 39 проценти од доилките во млекото ги имале споменатите антитела по две дози векторска вакцина, односно 48 отсто од нив имале IgA антитела по вакцинирање со еднодозна векторска вакцина.
“Вакцините против КОВИД-19 на база на информациска РНА се оптимален избор за жените кои дојат и на своите доенчиња сакаат да им пренесат антитела од мајчиното млеко“, заклучиле стручњаците.
Студијата ја спровеле научници од Медицинскиот центар при Универзитетот Рошестер во Њујорк.
