Секој родител кој мора да се одвои од мало дете и да ја затвори вратата зад себе знае колку е тоа болно за детето, но знае и дека детето мора да ја помине таа фаза и дека со тек на време се ќе биде подобро.
ШТО Е СТРАВ ОД ОДВОЈУВАЊЕ ИЛИ СЕПАРАЦИСКА АНКСИОЗНОСТ?
Кога бебе или мало дете се плаши од одвојување од родителите и покажува страв, тоа се нарекува сепарациска анксиозност. Тоа е нормален дел од детскиот развој и често почнува да се појавува кога ќе се зголеми мобилноста и независноста на бебето, стручњаците велат дека нема секое дете да го почувствува тој страв, некои ќе го почувствуваат подоцна, помеѓу 18. и 24. месец.
Стравот од одвојување најчесто се појавува помеѓу 14 и 18 месец, но првите знаци се појавуваат многу порано, кога бебето почнува да сфаќа дека мама и тато заминуваат, и не е сигурно дека ќе се вратат. Таквиот страв може да се појави и кај децата на предучилишна возраст, а во некои случаи и подоцна.
БЕБЕ ОД 4 ДО 9 МЕСЕЦИ
Помеѓу четвртиот и деветиот месец, бебето развива силна поврзаност со своите родители. Тогаш почнува да сфаќа дека работите и луѓето постојат и кога тоа не ги гледа, концепт кој се нарекува “постојаност на објектот“. Исто така, тоа значи дека ги сакаат што побрзо во својата околина, и ги покажуваат своите чувства. Оваа фаза се појавува нагло и без предупредување, а на детето моментите на одвојување им изгледаат како да е крај на светот.
ОД 10 ДО 24 МЕСЕЦИ
На оваа возраст, децата се поподвижни и независни, но тогаш може да се чувствуваат поизложени и несигурни во светот. Може многу да се вознемират кога ја напуштате просторијата или кога навечер ги легнувате да спијат. Тие знаат и кој се нивни посебни луѓе, односно родители и може да станат многу внимателни кога ќе видат помалку познати лица во својата околина, или кога некој ќе ги причува.
ОД 2 ДО 4 ГОДИНИ
Постарите деца имаат многу поголемо влијание на одењата и доаѓањата на родителите и нивниот животен ритам. Обично веќе развиле чувство на сигурност, но можно е да имаат се уште проблеми со менувањето места и запознавање на различни луѓе и им е потребна „поддршка“ како би се поздравиле.
ДЕЦА ПОСТАРИ ОД 4 ГОДИНИ
На оваа возраст, децата се уште може да се чувствуваат лошо кога се одвоени од родителите. Тоа обично поминува со тек на време, но може да предизвика голем стрес во семејството, па обидете се да разговарате со детето и со педијатар за стратегии како на детето да му го олесните одвојувањето.
КАКО ИЗГЛЕДА СТРАВОТ ОД ОДВОЈУВАЊЕ?
Не е важмо дали сте отишле во друга просторија или на улица, вашето бебе претпоставува дека сте заминале засекогаш. Бебињата сметаат дека нивните родители се продолжеток на нив самите, па кога се раздвојуваат, освен што чувствуваат дека заминува дел од нив, тие мислат дека одителите никогаш нема да се вратат.
Бебињата и малите деца кои чувствуваат страв од одвојување може да се вознемират, да плачат, да се качуваат по вас, да ги игнорираат другите возрасни лица или да доживеат испади на бес.
