Сигурно безброј пати сте посакале вашето бебе да може точно да ви каже што сака. Тоа, со своето однесување тоа и го прави. Според тврдењата на експертите за невербална комуникација, од кога ќе се роди, бебето ги користи сите начини со кои располага за да може да комуницира со родителите. Тоа “разговара“ со целото свое тело, така што гледа директно во вашето лице, прави движења со устата, мафта со рачињата и нозете… На вас е правилно да протолкувате што со својата невербална комуникација ви порачува.
Говор на рачињата
Помеѓу 8. и 12. месец, бебето се показалецот почнува да покажува на работите кои сака да ги забележите или да им ги дадете во раце. На пример, тоа може да биде чашата од која пие вода, или куче на улица, за кое сака заеднички да го поделите одушевувањето. Начинот на кој вие реагирате на ова покажување со показалецот може значајно да помогне во развојот на говорот. Бројни истражувања покажуваат дека насочувањето на погледот на она што бебето ви го укажува може да биде начин да предвидите кои ќе бидат неговите први кажани зборови. Психолозите утврдиле и дека покажувањето со прст е многу сигурен показател на развојот на речникот – зборови кои детето ќе научи да ги изговара.
Значи, кога бебето со прстето покажува на нешто, покажете интерес, употребете вистински збор за тоа и веднаш повторете го во неколку реченици. Така ќе му помогнете што побрзо да ја усвои.
Околу 12. месец, детето почнува повеќе да ги користи рачињата за комуникација. Не е тешко остварливо доброто разбирање на говорот со гестови, бидејќи и вие и вашето дете веќе долго ја учите еден од друг оваа вештина. Сите користиме гестикулација во секојдневниот живот и тоа често се случува несвесно. Бебињата не се исклучок во тоа и тие спонатно почнуваат да го користат говорот на телото, кој е природно дополнување на говорот и помага во подобро разбирање. Кога ќе почнете внимателно да го набљудувате своето дете, ќе сфатите всушност во која мера тоа веќе го користи говорот на телото во комукацијата со вас.
Поглед
Дури и бебе кое е старо само неколку часа, инстиктивно го насочува погледот во мајчиното лице. Овој вроден рефлекс им помага да се поврзат со мајката и на тој начин тие бараат љубов и внимание. Значи, кога бебето ќе го фиксира погледот на вас, време е за нежност.
Бебињата помеѓу шест и десет недели, подолго го задржуваат погледот на мајчиното лице, а нивниот поглед е многу поизразен. Кога ќе им се покаже нова играчка, тие ги подигаат веѓите или ги шират очињата, со што искажуваат заинтересираност. Кога не покажува ист интерес за покажаниот предмет, кој го покажала првиот пат, значи дека го запомнила. Затоа, следете ги погледите на своето бебе и уживајте во ваквите моменти, тие се показател на неговиот развој и напредок.
Фацијална експресија
Ако се прашувате дали на вашето бебе му се допаѓа на пример да го скокоткате по табаните, пробајте го тоа и следете го изразот на неговото лице. Ултразвучната технологија покажала дека бебињата менуваат и вежбаат фацијални изрази уште во текот на равојот во стомакот на мајката. Затоа не чуди што бебињата штом се родат може да искажат основни емоции со експресија на лицето и што сите нивни инстиктивни изрази, всушност имаат своја цел.
На пример, кога бебето учи да јаде, неговиот израз за “не ми се допаѓа“ е исфрлање на храната која му е во уста, затворање на устата при принесување на лажицата и одмавнување со главата. Овие начини на изразување емоции им помагаат на родителите подобро да разберат што бебето сака, а што не сака. Студии покажуваат дека возрасните се многу добри во “читање“ на експресиите, и дека тоа е нешто сосема природно, што се прави инстиктивно. Затоа, верувајте им на вашите инстикти.
Насмевка
Првата насмевка на бебето е еден од најубавите моменти во животот на родителите, а таа обично се јавува околу шестата недела од животот. Насмевката потекнува од примитивниот дел на мозокот, и со оглед дека не мора да биде одраз на бебешките чувства во првите недели од животот, нема да помине уште многу време кога навистина со насмевнувањето ќе почне да реагира на она што го видело или слушнало. Некаде во третиот месец од животот, бебето почнува да ја кориси насмевката за да го привлече вашето внимание и нежност.
Подоцна, бебето ги користи насмевките за комуникација со вас на различни начини. Помеѓу осмиот и 10. месец од животот, бебето почнува да користи “насмевка на прифаќање“ со која комуницира со возрасните така што насмевнувајќи се на некоја играчка, а потоа со насочување на погледот кон возрасното лице, бара потврда дека нешто е вредно за внимание. Тоа е како да ви вели: “Ова е баш смешна играчка, зарем не?“ Бебето ќе ужива ако го следите неговиот поглед и обрнете внимание на она што тоа го гледа. Земете го тој предмет во раце и играјте со него и бебето ќе биде најсреќно на светот. Кога ќе го усвои овој вид на комуникација со насмевки, нема да помине многу време додека не почне со рацете да покажува она што сака и вие да го видите.
Уста
Дали вашето бебе произведува различни звуци со устата? Тоа е воведна фаза во вистински говор. Обидете се да му одговорите на начин и ќе видите дека одлично ќе си “помубаетите“ со него. Без способноста за говор, бебето едноставно користи се она што природата му го нуди во оваа фаза, за да комуницира со вас.
