ГРИП (Influenza) е често, заразно заболување на дишните патишта предизвикано од вируси. Influenza вирусите се поделени на три типа: тиа А, тип Б и тип Ц. За појава на епидемија главно се одговорни вирусите од типит А и Б, додека инфекциите со типот Ц се значајно поретки и обично во форма на инфекција на горните респираторно патишта.
Најопасни се вирусите од типот А, кои постојано се менуваат, од сезона до сезона.
Процентот на заболувања е поголем колку е поголема промената на вирусот т.е. колку вирусот е поневообичаен. Секоја година се спроведуваат епидемиолошки студии на основа на кои се предвидуваат “комбинации“ актуелни за таа сезона, на чија основа се подготвува вакцината за таа година.
- КАКО СЕ ПРЕНЕСУВА ГРИПОТ?
Кога болно лице кива, кашла, зборува, тоа исфрла капки плунка во кои се наоѓа вирусот, кои со вдишување може да го внесат присутните лица. Може да се заразите и со контакт, односно со допирање на површините на кои се наоѓаат вирусни партикули, на пример, користено шамивче, рачки или ракување, ако болното лице не ги измило рацете. Доволно е само потоа да го допрете носот, очите или устата и на вирусот патот му е отворен.
Лицето е заразно ден пред појавата на симптоми, како и наредните седум дена или дури 10 дена кога се во прашање децата.
- СИМПТОМИ НА БОЛЕСТА
Клиничката слика на грипот се манифестира нагло, од “полно здравје“ и на сите ни е добро позната: покачена телесна температура, главоболка, изразена малаксаност, болки во грлото, затнат нос или течење на нос, кашлива, болки во мускулите. Може да се јави и мачнина, повраќање и пролив. Покачената температура најчесто се одржува 2-4 дена, додека кашлицата и малаксаноста може да бидат присутни многу подолго.
И покрај карактеристични симптоми, некогаш е многу тешко да се разликува грипот од слични респираторни инфекции, само на основ на клиничката слика, особено кај помалите деца, па покрај клиничката слика и податоците добиени од родителите за детето, потребни се и некои лабораториски анализи за да се потврди дијагнозата.
