Истражувачи од Кина проучувале 530 ученици на возраст помеѓу 10 и 18 години за да видат дали биле жртви на родителско игнорирање поради користењето на телефон.
Децата чии родители биле опседнати со телефонот покажале повеќе симптоми на депресија при пополнување на прашалникот од оние кои добивале внимание.
“Родителскиот фабинг е феномен во кој родителите ги користат своите мобилни телефони во интеракции меѓу родителите и децата во што детето се чувствува исклучено“, објаснуваат истражувачите во студијата објавена во списанието „Journal“.
Примерите на родителски фабинг вклучуваат редовно проверување на телефонот за време на оброците и можност секогаш да го гледате екранот и известувањата што ви доаѓаат.
Кинеската студија побарала од учениците да пополнат прашалник, рангирајќи ги нивните перцепции за родителската топлина и отфрлање.
Децата во истражувањето биле на возраст од десет до 18 години, со просечна возраст од 13 години.
Прашалникот поставувал различни прашања за проценка на употребата на телефоните на нивните родители.
Едно прашање, на пример, гласело: „За време на типичен оброк со моите родители, моите родители ги вадат и ги проверуваат своите мобилни телефони“, а учесниците тоа го оцениле на скала од еден до пет. Еден било ‘никогаш’, а пет било ‘секогаш’.
Друга изјава на која учесниците требало да одговорат била: „Моите родители ги ставаат нивните мобилни телефони на места каде што може да ги видат кога сме заедно“.
Потоа, на истите ученици им бил даден посебен прашалник да се процени нивното ниво на депресија.
Истражувачите објаснуваат дека во нивната студија поставиле 20 прашања и дека учениците ги рангирале своите симптоми на депресија во изминатата недела на скала меѓу еден и четири. На оваа скала, еден бил еднаков на ‘ниту малку“, а четири било ‘многу’.
Кога академиците ги процениле овие податоци, откриле дека колку повеќе време родителите поминуваат на своите уреди кога биле во близина на нивните деца, толку е поголема веројатноста децата да развијат депресија.
Децата на родителите кои се врзани за своите телефони се чувствувале отфрлено и доживеале помалку топлина од страна на своите родители, за кои мислеле дека повеќе се заинтересирани да зјапаат во екраните отколку во нив.
