Мобилните телефони ќе бидат забранети во сите државни училишта во Австралија доколку лабуристите победат на претстојните избори во Нов Јужен Велс. Лидерот на лабуристите во Нов Јужен Велс, Крис Минс изјави дека доколку биде избран, ќе ги забрани мобилните телефони во училиштата бидејќи смета дека тоа е најголемиот проблем со кој се соочуваат младите, пишува „Дејли мејл“.
Експертите од Универзитетот Кингс Колеџ во Лондон анализирале податоци за 42.000 млади луѓе од околу 40 претходни студии за штетното влијание на мобилните телефони и дошле до заклучок дека дури 23 отсто од нив или речиси четвртина од младите развиваат зависност, што се манифестира како неможност да го контролираат времето што го поминуваат со мобилен телефон во рака
Оваа објава следи по неодамнешниот случај кога неколку студенти на „Knox Grammar“ беа избркани поради споделување расистичка, мизогинистичка и хомофобична содржина преку заедничка интернет група. „Просечен наставник не може да знае дали ученикот се обидува да реши комплициран проблем или виси на TikTok среде часот“, рече Минс. Мобилните телефони се забранети само во основните училишта во Нов Јужен Велс, а планот на Минс е да воведе забрана за нив и во средните училишта. Тоа веќе го направија државите Западна Австралија, Јужна Австралија и Викторија.
„Во моментов можете да го извадите мобилниот телефон на сред час и да кажете дека е за едукативни цели. Очигледно, наставникот не може да знае дали тоа е вистина или не. Ќе оставиме на училиштата да одлучат дали ќе ги собираат сите телефони на почетокот на денот или ќе воведат правило дека не смеат да се вадат за време на часот“, објаснува Минс. Таблетите и понатаму ќе бидат дозволени за употреба во училницата, а Минс се надева дека има технички можности за да се осигура дека ова право нема да се злоупотреби.
Истражување за штетното влијание на мобилните телефони
Експертите од Универзитетот Кингс Колеџ во Лондон анализирале податоци за 42.000 млади луѓе од околу 40 претходни студии за штетното влијание на мобилните телефони и дошле до заклучок дека дури 23 отсто од нив или речиси четвртина од младите развиваат зависност, што се манифестира како неможност да го контролираат времето што го поминуваат со мобилен телефон во рака. Но, она што загрижува е што кај младите се развива чувство на вознемиреност и паника доколку им се забрани пристапот до мобилните телефони.
Додека родителите се на мобилните телефони, децата се чувствуваат небитни. Ако постојано „висите“ на вашиот мобилен, што друго можете да очекувате од вашето дете? Проверувајте колку време детето минува на мобилен телефон, што помалку толку подобро, велат докторите. И вие треба да бидете пример – ако за време на вечерата проверувате е-пошта, што друго можете да очекувате од вашето дете?
„Во почетокот детето почнува да сурфа еден до два часа дневно, а потоа тоа време се зголемува на 5, 6, 7 часа, често ноќе и често не се свесни колку долго се на интернет. Младите често можат да кажат дека сурфаат час или два, додека нивните родители забележуваат дека тоа е 5 или 6 часа на ден“, објаснуваат експертите. Со текот на времето, зависникот целосно се фокусира на содржините од кои станал зависен, така што губи интерес за други работи, од секојдневните обврски дома и на училиште, до сè што правел порано, и емоционално осиромашува, а таквото однесување доведува и до промени во мозокот, што денес може да се докаже и на магнетна резонанца.
„Тешко е да се каже колку време може да помине додека да се развие зависност, тоа зависи и од детето и околностите, понекогаш година, две или три. Но, одвикнувањето, односно лекувањето секако може да биде многу тешко. Луѓето кои се зависни го губат капацитетот за промена и рационализираат, па секогаш имаат причина за своето однесување и тешко ја прифаќаат потребата да ги променат своите навики. Затоа има многу кои потклекнуваат“, вели д-р Багариќ.
Додека родителите се на мобилните телефони, децата се чувствуваат небитни. Ако постојано „висите“ на вашиот мобилен, што друго можете да очекувате од вашето дете? Проверувајте колку време детето минува на мобилен телефон, што помалку толку подобро, велат докторите. И вие треба да бидете пример – ако за време на вечерата проверувате е-пошта, што друго можете да очекувате од вашето дете?
