До првата година од животот, кога децата само се навикнуваат на основните вкусови на храната, не е потребно да се додаваат никаквизачини, па дури и сол. На една година, децата веќе се навикнати на разновидна храна. Научиле да јадат, препознаваат вкусови и тогаш во ред е во јадењата да се додаваат зачини како сол и бибер, но не треба да се претерува пред се со солта, за да не се создаде желба за солено храна кај децата. Исто така треба да се внимава и со лутите зачини како бибер, пиперка, за да не биде премногу луто и да не предизвика иритација на дигестивниот систем и дигестивни пречки. Зачинските билки се добредојдени како засилувачи на вкусот и со нив се намалува уделот на сол.
Од зачинските билки најзастапени се магдоносот, копарот и власецот, кои може да се додадат во свежо сирење или други намази како хумус и слично, но и различни супи во кои може да се додадат, кои се лесни и вкусни за децата. Незаменливи зачини се и босилекот и ориганото кои се додаваат во салати, јадења со домати, пици и слично. Циметот е зачин кој можете да го наросите на утринските житарици или да го ставите во колач. Задолжително воведувајте ги сите видови билки постепено и не претерувајте со ниту една од нив, бидејќи тие се само додатоци во јадењата за јадењето да биде комплетно.
Житарици без глутен
Просото е житарица која не содржи глутен и затоа е доста интересно. Може да се користи како прилог со месо, во супа или во колачи, секоја комбинација е одлична, а просото освен вредни јаглехидрати содржи и манган и фосфор за здравјето на детските коски.
Булгурот е полнозрнеста интегрална пченица. Може да биде и прилог, но се комбинира и како дел од похранливи салати, а може да се подготви и вегетаријански хамбургер за деца.
Амарантот е псевдожитарка, па затоа не содржи глутен. Достапно е и кај нас и може да се подготви и како прилог и да се готви во супи и чорби. Богат е со протеини и минерали како што се калциум, железо, магнезиум, манган и цинк, а содржи и балансиран процент на влакна кои се важни за варењето.
