Кога воопшто почнуваме да размислуваме за додавање на вкус во детската исхрана, прва работа која ни паѓа на памет се шеќерот или солта и целосно забораваме на билните зачини. Кога сами подготвувате храна за децата, имате можност да експериментирате со вкусовите, па затоа искористете ја оваа прилика и користете зачини да ги направите оброците поинтересни. Ова е одличен начин да го проширите вкусот на бебето и да го навикнете на поздрав начин на подготовка на јадењето. Дохраната на бебето најчесто започнува со намирници со едноставен вкус, но и нови текстури. Зачините се воведуваат како и новите намирници, постепено, но во многу мали количини и треба да се причека барем шест дена пред воведувањето на нов зачин за да се намали опасноста од иритација и да се утврди можната причина за можна несакана реакција.
Најчести зачини во исхраната на децата присутни во многу мали количини се:
- Ванила
- Цимет
- Нане
- Босилек
- Магдонос
- Оригано
- Рузмарин
- Лук
- Сушена пиперка
- Сушен домат
- Мускатно оревче
- Бибер
- Кора од лимон и портокал
Правилниот избор за зачини е многу важен, затоа што на пазарот се појавуваат во разни мешавини. Најдобро е да се користат свежи зачини (магдонос, босилек, лук) и сушени зачини (ванила , цимет, сушен зеленчук, бибер, но со сертификат, јасен состав и рок на траење).
Зачините и мешавините на зачини кои содржат примеси: додадена сол или шеќер, засилувачи на вкусот (мононатриум, глутаминат) и вештачки бои, треба целосно да се избегнуваат.
Користењето на зачини во храната за деца, освен што ја прават повкусна и поинтересна, овозможуваат да се избегнува прекумерното солење и додавање шеќер со цел на подобрување на вкусот.
