Оваа појава се случува бидејќи децата во количка се поблиску до тлото и испусните цевки на автомобилите, пренесува Би-Би-Си. Опасноста по здравјето за нив е поголема бидејќи телата им се мали и во развој.
Научниците од Универзитетот во Суреј после истражувањето заклучиле дека бебињата вдишуваат воздух на висина од 0,55 до 0,85 метри над земјата. Со оглед дека нивото на загаденоста е најголема на висина до еден метар над земјата, тие деца дишат 60% повеќе од загадените честички отколку возрасните.
„Бидејќи станува збор за ранлива категорија, поради развојот на ткивото, имунолошкиот систем и мозокот во таа рана фаза од животот, загрижувачки е тоа што се изложени на толку високо ниво на загаденост„, изјавил водичот на истражувањето Прашант Кумар.
Родителите, децата може да ги заштитат така што со количките ќе се движат подалеку од најфреквентните улици каде загаденоста е најголема, а може да помогне и прекривка на количката, додава Кумар.
