Настинките се случуваат постепено, додека грипот напаѓа изненадно. Класични симптоми на настинка се затнат нос, кашлање, болки во грлото и во мускулите и сите овие симптоми се присутни и кај грипот, но со посилен интензитет.
Како превенција од овие две состојби, клучна улога игра исхраната, па поради тоа ви претставуваме листа на намирници кои се сметаат за чувари на детскиот имунитет.
ВИТАМИН Ц
Витаминот Ц може да го скрати времето на траење на настинката. Овој витамин може да се најде во цитрусното овошје, свежата пиперка, бобинките, свежата зелка…
ЦИНК
Цинкот е неопходен за исправно функционирање на имуниот систем, тој помага во заштита на организмот од настинка и грип. Бразилските ореви и бадемот се одличен извор на цинк. Ако детето е помало, и се уште не е подготвена да јаде јаткасти плодови, понудете му спанаќ, грашок или боранија.
ЛУК
Неизбежен е при настинка и е ефикасен во борба против вируси и бактерии. Алицинот од лукот ги блокира ензимите кои вирусите и бактериите ги оспособуваат да нападнат и да го оштетат ткивото.
ЗДРАВИ МАСТИ
Здравите масти, како оние кои ги содржи авокадото кое е богато со витамин Ц и витамини од Б групата, го јакнат имунитетот на детето и му ја зголемуваат енергијата.
ЧАЕВИ
Чаевите од нане (+7 месеци), шипка и хибискус (+8 месеци), може да ги олеснат симптоми на грипот и да го зајакнат имунитетот поради присутноста на витамин Ц и антиоксиданти.
