Храната богата со растителни влакна е најдобриот избор за добри бактерии во цревата како кај возрасните така и кај децата. Како што објаснуваат диететичарите, нерастворливи влакна се најзастапени во мешунките, целите житарки, овошјето и зеленчукот. Ако детето не јаде доволна количина на растителни влакна, тоа може да доведе до одредени несакани ефекти и здравствени проблеми.
За да се избегне ова, педијатрите нагласуваат дека е многу важно да се внимава на какви било невообичаени симптоми, кои во најголем број случаи откриваат дека детето не внесува доволна количина влакна преку храната, пренесува порталот „Eating Well“. Тие симптоми се следниве:
- запек,
- чувство на глад кратко по јадење,
- замор, исцрпеност и недостаток на енергија,
- ненадејно зголемување на телесната тежина.
Со оглед на тоа дека овие симптоми тешко се забележуваат, повеќето родители ги игнорираат, што може да доведе до сериозни проблеми со здравјето, предупредуваат експертите.
