Есента е прекрасно годишно време, но носи одредени здравствени и безбедносни ризици за децата. Педијатрите за порталот Today предупредуваат на две работи за кои не би преговарале со децата.
Спортување без заштитна опрема
Есента го означува почетокот на различни спортски активности. Спортот има многу придобивки за децата, но важно е да се преземат мерки на претпазливост, на теренот и надвор од него, за да се спречат повреди.
Лекарите велат дека во есен забележуваат огромен пораст на мускулно-коскени повреди кај децата, како и потреси на мозокот поврзани со спортот.
Затоа децата секогаш треба да носат соодветна заштитна опрема, особено кога станува збор за контактни спортови.
Одење на училиште со вирус
Есента е сезона на респираторни вируси, но и бактериски и вирусни инфекции. Педијатрите тврдат дека првиот бран на респираторни инфекции започнува околу две недели по почетокот на наставата. Иако може да биде тешко за родителите, важно е децата да останат дома додека не им се подобри здравствената состојба.
Со други зборови, ако детето е болно, не треба да го праќаме на училиште, особено ако има температура или ако повраќа и има дијареа. Децата не треба да се приклучуваат на колективот додека нивните симптоми не се повлечат, а оние со температура треба да останат дома најмалку 24 часа откако температурата ќе се повлече.
Испраќањето на болно дете на училиште може да го одложи неговото закрепнување и да дозволи инфекцијата да се прошири на други деца кои потоа можат да ја пренесат на нивните семејства. На училиште, децата треба да ги мијат рацете (особено по користење на тоалетот и пред јадење) и да избегнуваат споделување храна или пијалаци.
