Децата мораат да пораснат, но многумина родители не се свесни дека прекумерната заштита може да им наштети. Дали и вие сте од оние што ги штитат своите деца до таа мерка што им го олеснувате носењето на последиците од своето однесување? Ако е така, време е да го промените тоа, бидејќи таквото однесување им прави лоша услуга.
Елен Рос Гликман, детски психолог, предупредува дека кога детето е прекумерно заштитено и не ги исполнува своите обврски затоа што родителот секогаш го „покрива“, детето не учи да биде одговорно и не развива чувство за важноста на работите во животот.
„Децата треба да ја почувствуваат вашата разочараност кога нешто не е направено како што треба и важно е да знаат дека од нив се очекува да го поправат тоа“, вели Гликман.
Таа додава дека многу родители тешко им дозволуваат на децата да пораснат, превземајќи одговорност за своето однесување и учејќи како да бидат самостојни и да ја контролираат својата импулсивност.
Кога имате дете од осум до девет години кое не може да прифати дека не секогаш ќе добие што сака, важно е да сфатите дека и вие како родители имате улога во тоа однесување.
