Кога ќе станете родител, имате милион прашања и дилеми. Не знаете дали добро ја држите главата на бебето, се прашувате дали треба да спие на грб или на страна, кога треба да го каже првиот збор… Не заборавајте, ниту едно дете не е исто – што на некое помага, на друго може да му одмогне. И ако имате дилема или прашање поврзано со здравјето на детето, задолжително поставаете му го на матичниот педијатар кој го лекува детето.
Ова се состојби кога родителите најмногу се плашат за здравјето на детето, и како треба да постапат во тие ситуации.
АКУТНО ВОСПАЛЕНИЕ НА ГЛАСНИТЕ ЖИЦИ
Може да има драматичен тек, оти е оневозможен нормален проток на воздух низ грлото/ларинксот. Доколку детето може да дише и да голта, веднаш дајте му сируп против алергија во соодветна доза. Ако ситуацијата е таква да детето нема доволно кислород, задолжително повикајте Брза помош или веднаш сами однесете го детето до првата здравсѕвена установа.
ПОВРЕДИ
Секоја повреда треба да ја прегледа најблискиот лекар. Понекогаш повреда, како нагмечување, делува безазлено, но се загрозени внатрешните органи, што може да доведе до сериозни последици. Во случај на повреда на главата, ‘рбетот, скршеница на екстермитети, детето не треба да се мрда и самостојно да се транспортира, туку веднаш повикајте Брза помош.
ДОМАШНА ХЕМИЈА И ЛЕКОВИ
Ако детето случајно испие хемикалиии или вдише зрно грав или копче, најдобро е родителите ништо да не превземаат, туку да викнат Брза помош или најблиската амбуланта.
ФЕБРИЛНИ КОНВУЛЗИИ
При фербилни конвулзии, најчесто се јавува грчење на мускулите по висока телесна температура. Нападите се јавуваат најчесто кај деца на возраст помеѓу три месеци и пет години, и иако делуваат драстично, не паничете, туку помогнете му на детето. Ставете го на страба, извадете му го јазикот и чекајте нападот да помине. По тоа, детето делува поспано и измачено, но без паника, однесете го на лекар.
ИЗНЕНАДНА СИЛНА БОЛКА ВО УВОТО
Можеби изгледа драматично, но не треба веднаш да трчате на лекар. Прво, на детето исчистете му го носот, а поголемо дете поттикнете го да го издува. Тоа на кратко ќе ја засили болката, но истрајте. Ставете капки за нос или спреј кои содржат вазоконстрикор – супстанца која ги стеснува проширените крвни садово во носот. Потоа дајте му ибупрофен во соодветна доза, и почекајте 15 до 20 минути. Ако болката не помине, однесете го детето во најблиската здравствена установа.
