За време на пандемијата КОВИД-19, бројот на нови случаи на дијабетес тип 2 меѓу младите на возраст од 21 година и помлади е зголемен за 77,2 отсто, покажале резултатите од нова студија објавена во списанието The Journal of Pediatrics.
Исто така, за време на пандемијата, дошло до значително зголемување на веројатноста за метаболна декомпензација и тешка дијабетична кетоацидоза.
Според експертите, резултатите од оваа студија го покажуваат драматичното влијание на пандемијата со КОВИД-19 врз појавата на дијабетес тип 2 кај младите луѓе, чија инциденца и преваленца веќе беа во пораст пред пандемијата.
