Придобивките од доењето не се само во делот на исхраната и нутритивната вредност за бебето. Во текот на првите три дена, веројатно ќе пробувате како и колку често да го доите своето бебе. За да се чувствувате посигурно, ви пренесуваме неколку информации со кои ќе знаете што да очекувате.
Не ја пропуштајте првата прегратка на породувањето
Давањето на новороденчето во прегратка на мајката веднаш по раѓањето, за да се оствари директен контакт кожа на кожа, во светот се нарекува “kangaroo care“ метода. Овој прв контакт на мајката и бебето му помага на новороденчето побрзо да почне да цица. Бидете трпеливи, вообичено се потребно околу еден час за бебето да почне да јаде, дајте си себе време и искористете го тој период да се поврзете со своето дете.
Наспијте се
Одморот е клучен за опоравувањето по породувањето. Ќе ви помогне да се чувствувате поопуштено и посмирено додека го доите бебето, а го зголемува и нивото на енергија и поттикнува создавање на млеко.
Не правете распоред на доење
Тие први денови обидете се да го доите бебето “на барање“, бидејќи мајчиното млеко е важно за раниот рзвој на бебето.
Разговарајте со лекар
Разговарајте со својот лекар за тоа на што треба да обрнете внимание кога ќе почнете со доење, и кога треба да алармирате ако нешто не е во ред. Верувајте и на вашата интуиција.
Подгответе се за долга ноќ
Вашето новороденче веројатно мирно ќе спие подолг период во текот на првиот ден од својот живот. Бидете подготвени за периодот по тие 24 часа, бидејќи тогаш бебето ќе биде будно и ќе сака да цица.
