Родителите го сакаат најдоброто за своите деца, во тоа нема сомнеж, но понекогашво таа желба претеруваат, па пред децата ставаат големи очекувања и притисок, а за тоа и да не се свесни.
Децата, од друга страна, најчесто нема да кажат дека се уморни од притисокот и стресот на кој се изложени, но тоа и тоа како го чувствуваат во себе. Психолозите затоа откриваат суптилни знаци кои покажуваат дека премногу ги притискате децата, еве на што треба да внимавате.
- Постојани изговори и избегнување
Ако детето почне да заборава на тренинзите, се жали дека го боли стомакот пред часовите по танцување,по пеење или некоја друга активност на која оди или постојано ги одложува работите за подоцна, тоа можеби не се само знаци на мрзеливост. Често., токму тие се знаците кои покажуваат дека детето е преоптоварено.
Клиничкиот психолог Лиза Дамур ги советува родителите прво да размислат зошто детето оди на одредена активност, односно дали тоа е негова желба или на мама и тато.
Што да направите?
Ако детето навистина нема интерес за одредена активност, туку само на овој начин сака да ги исполни желбите и очекувањата на родителите, можеби треба да размислите да му дадете повеќе избор и слобода. Разговарајте со детето дали е уморно и дали сака да продолжи со таа активност и поддржете го неговиот избор дури и ако вие би сакале поинаку.
- Нема време за опоравување и одмор
Децата денес од мали нозе живеат со брзо темпо: училиште, многу домашни задачи, разни тренинзи, приватни часови… Но, важно е да се има предвид дека и најспособното дете не може да биде сконцентрирано и подготвено 24 часа на ден. Нему му треба време за одмор – и тоа не само навечер.
На децата и тинејџерите им се потребни помеѓу девет и 11 часа квалитетен сон дневно, инаку им се намалува мотивацијата, им се нарушува имунитетот и се зголемува анксиозноста.
Детскиот психолог Мишел Борба објаснува: „Кога стресот ќе исчезне, телото се исцрпува: времето за одмор трпи, а со тоа и вниманието и мотивацијата“.
Што да направите?
Секое дете има свои начини за одмор и опоравување – на некои им е потребно да цртаат, а некои да се бркаат со своите пријатели. Важно е да го набљудувате вашето дете и да обрнете внимание дали има можност да запуза од обврските која му не потребна и како се чувствува потоа. Набљудувајте после кои активности детето е поживо и поенергично, што му ги „полни батериите“ и погрижете се редовно да се занимава со овие активности.
- Детето ги извршува обврските, но не се вклучува во нив
Доколку детето оди на тренинг или некоја друга активност „автоматски“, без интерес и желба за напредок, време е да се преиспита пристапот кон таа активност. Вистинската страст е секогаш придружена со упорност и желба да расте, а рамнодушноста може да укаже на тоа дека детето е преуморно.
Што да направите?
Разговарајте со вашето дете искрено и отворено, покажувајќи дека се грижите за неговите желби и интереси. Прашајте го дали е заинтересирано за активноста со која моментално се занимава и што би сакал да проба наместо тоа.
Дозволете им да пробуваат нови работи бидејќи вистинската страст се раѓа преку интересот, советуваат психолозите.
- Она што се случува ви е поважно вам отколку нему
Понекогаш родителите од најголема љубов и добри желби почнуваат повеќе да се грижат за оценките или успехот на детето отколку за самото дете. Сепак, важно е мајките и татковците да ги поддржуваат своите деца, а не да ги принудуваат на нешто. Психолозите советуваат да не го притискате детето ако вашите цели и желби не се совпаѓаат со неговите, туку да разговарате – можеби има некои причини за кои не се ни сомневавте.
Што да направите?
Ако родителите претерано се фокусираат на успехот на детето, тоа почнува да мисли дека е сакано само поради добрите оценки или некои други успеси, што воопшто не е добро. Наместо груби зборови како „зошто не доби подобра оценка по математика“ или „зошто не се снајде подобро на тренинзите“, прашајте го што му е тешко, што му претставува проблем и како можете да му помогнете да го надмине. И не заборавајте, не треба да ги фалите децата само за нивните резултати, туку и за нивниот труд.
