Глутенот е протеин кој се наоѓа во пченицата, јачменот, ‘ржта и другите житарки. Го има во многу вообичаени намирници и пијалаци, вклучувајќи тестенини и житарки, а често се наоѓа и во одредени лекови. Според Клиниката Кливленд, многу родители ги мешаат алергијата на глутен и интолеранцијата на глутен, кои всушност се две сосема различни работи.
За разлика од алергијата на глутен или целијакијата, кога симптомите се многу потешки и поопасни, детето кое има интолеранција чувствува само блага реакција по консумирање намирница која содржи глутен.
Педијатрите тврдат дека симптомите кои откриваат дека детето може да биде чувствително на глутен се следниве:
- Стомачни грчеви и гасови,
- Болки во стомакот,
- Дигестивни проблеми како што се запек или дијареја,
- Анемија,
- Вознемиреност,
- Надуеност,
- Проблеми со концентрацијата,
- Истакнат замор,
- Главоболка,
- Болки во зглобовите,
- Мачнина,
- Послаб осип на кожата.
