Бебето нема да ви даде до знаење дека е гладно или вознемирено само со плачење. Постојат многу суптилни знаци кои родителите можат да ги препознаат. Бебињата многу често ги користат рацете за да ги покажат своите чувства, па истражувањата покажуваат дека оние кои се гладни цврсто ги стегаат дланките во тупаница.
“Кога ќе почнете да ги храните, тие полека ќе ги опуштат прстињата и целосно ќе ги опуштат кога ќе бидат сити. Кога прстите се целосно испружени, тоа е знак дека детето доволно изело”, открива педијатриската медицинска сестра Кејт Вејд од Мелбурн.Таа додава дека и начинот на кој бебето се огласува многу зборува за тоа.
Ако одеднаш се вознемири во сон или почне да мавта со рацете и нозете и гласно да гука, исто така сака да порача: „Гладно сум“. Тоа ќе го покаже додека безбедно лежи во прегратките на мајка си. Ако ја врти главата од едната на другата страна, притоа отворајќи ја устата, тоа значи дека е време за јадење.
Ако пак, бебето ве гледа со широко отворени очи и со рацете посегнува по вас, тоа значи дека е подготвено за игра. А веројатно е најлесно да се препознае кога е време за спиење. Бебето ќе се смири и ќе почне да зева. Но, ова не се единствените знаци: ако е уморно, бебето ќе се смири, малку ќе се намурти и ќе го свитка грбот во лак, така да нозете ќе бидат во воздух.
Секако, тоа не значи дека секое бебе секогаш ќе ги покажува истите знаци, но ако малку повнимателно го набљудувате вашето малечко, на крајот ќе го научите говорот на телото кој ви кажува како се чувствува.
