Откако детето ќе прооди и ќе стане самостојно, откако ќе биде способно да се качи на кревет, столица, да се качи што повисоко, пред вас е тежок период. Тоа е време на истражување: се допира, се сака да запознае.
Време за истражување
Сите деца на возраст од 15, 18 месеци не се подеднакво активни, не пипкаат исти работи, не се еднакво љубопитни и не се однесуваат исто кога “прават глупости“. Девојчињата се помирни, не прават толку пакости во домот како момчињата, кои се полни со сила и живост. Но, тоа е период на истражување во кое детето многу ќе научи и запознае и е време кога мора да бидете максимално внимателни бидејќи се наоѓаат во опасност од многу незгоди.
Се до две, две и пол години, детето не ги пика прстите во штекерите и не ги фрла играчките низ прозорецот за да ве налути.
Тоа сака да разбере што е тоа штекер, сака да знае дали паѓа играчката низ прозор, исто како и лажицата од масата. Сето тоа му овозможува да стекне сопствено искуство. Ако мислите дека детето сето тоа го прави од злоба, промислена намера да направи нешто и реагирате премногу остро, ни малку не го сфаќате неговото однесување и доаѓате во опасност да бидете претерано строги. Со тоа му го одземате секое задоволство на делување, всушност самите му овозможувате да прави лошо и да ви се спротиставува.
Како да го заштитите:
- Прозорците осигурајте ги со заштита или ставете кваки кои децата не може да ги отвораат.
- Ставете заштитна решетка на на скалите и оградите.
- Растојанието меѓу решетките не смее да биде поголемо од 10см, за детето да не може да ја протне главата.
- Цуцлата не ја врзувајте на конец и не му ја ставите околу вратот.
- отстранете ги каблите што се во близина на детскиот кревет.
- Креветите на спрат осигурајте ги од паѓање.
- Направете заштита на сите штекери.
- Сите електрични кабли преконтролирајте ги да не се оштетени на некои места.
- Внимавајте на електричните апарати во кујната.
- Ринглите на шпоретот заштитете го со капаци.
- Заштитете ги чешмите за да не може да пушти топла вода.
- Средствата за чистење (домашни хемикалии) ставете ги на место каде што детето не може да дофати.
- Лековите заклучете ги.
- Алкохолот ставете го на неодстапно место.
- Кибритите и запалките не ги чувајте на маса.
- Заштитете ги острите работи и ќошеви.
- Ножици, игли и други остри предметите чувајте ги подалеку од децата.
- Ако имате базен во дворот заштитете го.
- Од домот и од градината отстранете ги сите отровни билки.
