Студии процениле дека во одреден период навиката за грицкање нокти ја имаат дури 45 – 60% од децата. Момчињата и девојчињата се подеднакво склони во пораната возраст, но како растат оваа навика е позастапена кај момчињата.
Според класификацијата на болести, гризењето нокти или оникофагија се смета за пореметување на контролата на импулсите, немање доволно отпор при искушение да се направи нешто штетно на самиот себе. Се вбројува во специфични однесувања и емоционални пореметувања. Се смета дека е една од најчестите медицински состојби во светот.
Што доведува до оваа појава
Кога децата се многу мали имаат потреба мајката да им биде во непосредна близина. Во спротивно се јавува потсвесно чувство на несигурност, кое подоцна влијае на нивните социјални и емоционални односи, а со тоа и на однесувањето. Некои стручњаци сметаат дека главна причина за гризење нокти е несигурноста, меѓутоа точната појава за оваа причина се уште не е утврдена.
Исто така, грицкањето нокти може да биде одраз и на нервоза. Детето обично е раздразливо, плачливо, некогаш и плашливо и срамежливо. Оваа нервозна навика може да се повторува поради чувство на вознемиреност, анксиозност, стрес или досада.
Доколку се сомневате дека вашето дете гризе нокти кога е под стрес, обидете се да утврдите дали постои одреден образец според кој тоа го прави, односно што го мачи или вознемирува. На пример, помалите деца може да се вознемират кога во домот им доаѓаат гости, а поголемите деца кога се соочени со некои обврски во училиштето.
Како влијае на здравјето?
Освен што гризењето нокти е грдо изгледа и го уништува изгледот на ноктите и тоа како може да влијае на здравјето. Соголемиот нокт е чувствителен на бактериски инфекции, особено мекото ткиво околу ноктот (се јавува црвенило, отоци и гноење), како и кожата под ноктната плоча. Гризењето нокти е поврзано и со стоматолошки проблеми. Пред се, влијае на здравјето на здравото месо (гингива), бидејќи може да доведе до повреда. Можни се и парадонтални инфекции, предизвикани од бактерии кои од ноктите се пренесуваат во усната шуплина. Понекогаш доведува и до неправилна положба на предните заби, што предизвикува лош загриз и подоцна е потребна ортодонска корекција.
Не само што ноктите можат трајно да се оштетат, туку и непцата и забите. Кога детето ќе проголта остаток од изгрицканиот нокт можено е да се појават одредени стомачни проблеми. Освен тоа, оваа навика може да ги направи децата поподложни на настинки, бидејќи бактериите од рацете и под ноктите полесно влегуваат во телото. Неодамнешни студии во одреден број случаи откриле поврзаност помеѓу гризењето нокти со други пореметувања, како што се дефицит на внимание и хиперактивност ноќно мокрење, опсесивно-компулсивно однесување и тикови.
