Децата во Холандија се сметаат за најсреќните во светот, барем според најновиот извештај на УНИЦЕФ. Телото на Обединетите нации го подготви извештајот откако ги анализираше податоците од 41 земја со високи приходи. Тие ги рангираа земјите врз основа на менталното здравје на децата, физичкото здравје и развојот на академските и социјалните вештини.
На врвот на листата е Холандија, а зад неа се Данска и Норвешка. Истражувачите веруваат дека постојат неколку важни работи кои ги прават холандските деца најсреќни на светот.
Иако во извештаите јасно стои дека образованието, станбениот и здравствен статус на земјата и приходите се некои од главните причини што ја прават земјата подобро место за живеење на децата, среќата се чини дека не е исклучиво поврзана со социо-економскиот статус. Имено, тајната е во семејството, воспитувањето и однесувањето на родителите кон децата. Еве по што Холанѓаните се разликуваат од другите народи…
- Асертивен родителски стил
Холанѓаните генерално следат асертивен стил на родителство. Тие ги слушаат своите деца, а во исто време го комунициираат она што го сметаат за правилно. Ова помага да се намалат конфликтите меѓу децата и родителите дома. Асертивноста често се меша со агресивноста, но двете работи се контрадикторни. Кај асертивниот стил, родителите ги изразуваат своите потреби со почит, покажуваат емпатија кога слушаат и моделираат интегритет. Ова во голема мера помага во одржувањето на љубовта и топлината меѓу родителите и децата.
- Отворена комуникација
Добрата комуникација е клучот за силна врска. Холанѓаните се отворени за разговор за теми кои родителите од други земји понекогаш ги сметаат за табу. Отворената комуникација помага да се всади доверба кај децата. Од раѓање, децата учат да го кажат своето мислење. Имаат слобода на говор, религија и сексуално изразување.
- Семејството е на прво место
Холанѓаните го ценат своето семејство и му даваат приоритет пред се друго. Дури и ако имаат напорен распоред, никогаш не забораваат да се посветат на семејството. Децата редовно вечераат со своите родители и учествуваат во други активности. Мајката и таткото имаат еднаква улога во воспитувањето на детето. И татковците имаат право на слободен ден за да се грижат за своите деца. Ова ги прави холандските родители најсреќни на светот, а среќните родители одгледуваат среќни деца.
- Некомпетитивно образование
Кога станува збор за образованието, Холанѓаните ја ценат различноста и вклученоста. Родителите имаат здрав однос кон своите деца и нивната иднина. Тие не вршат притисок врз нивните деца да добијат одлични оценки. Тие им дозволуваат сами да го изберат својот пат и да ги поддржат нивните одлуки. Тие се реални за способностите на нивните деца и им даваат слобода да ги истражат своите граници.
