Телото на секоја жена за време на бременоста доживува многу промени, а трудниците може да се поделат во две групи – оние кои уживаат во своето заоблено тело и оние кои едвај чекаат се да заврши и да се вратат на својата вообичаена телесна тежина. Освен зголемувањето на килограми, на секоја трудница и се зголемуваат и градите, се појавуваат стрии, може да се влоши или поправи видот, а и косата доживува промени.
Но, дали сте знаеле дека бременоста трајно ја менува величината и формата на женските нозе?
Имено, поради преголемата тежина, лакот на стапалата се израмнува и стапалото станува поголемо. За оваа промена е направено и истражување на Универзитетот во Ајова. За таа цел биле измерени женските нозе на почетокот на бременоста и пет месеци по породувањето. При тоа, било откриено дека бременоста навистина може да доведе до трајни промени во нозете.
ПРОМЕНИ САМО ВО ПРВАТА БРЕМЕНОСТ
Истражувањето било спорведено на 49 трудници на кои им бил мерен лакот на стапалата за време на првото тромесечје од бременоста и повторно по пет месеци од породувањето. Научниците откриле дека кај 60 до 70% од жените стапалата станале подолги и пошироки. Истражувањето покажало дека значајно се намалила висината на лакот на стапалото пет месеци по породувањето во однос на раната бременост и тоа помеѓу 2 и 10 милиметри. Освен тоа, откриено е дека во текот на првата брмееност доаѓа до најмногу промени, додека втората или секоја следна, бременоста понатаму не ја менува структурата на стапалата.
ПОГОЛЕМ РИЗИК ОД АРТРИТИС
“Знаеме дека жените, и тоа особено оние кои имаат деца, патат од мускулно-коскено пореметување. Промените на стапалата за време на бременоста може да ни помогнат да се објасни и зошто кај жените, во споредба со мажите, постои поголем ризик за артритис во нозете, колената, колковите и карлицата“, објаснува д-р Нил Сегал, професор по ортопедија и рехабилитација.
Во тек е истражување дали промените на стапалата за време на бременоста може да доведат до артритис подоцна во текот на животот.
