“Зошто никој не ми кажа дека сексуалниот однос по породувањето толку може да биде болен?“. Ова прашање си го поставуваат голем број на мајки,
Иако звучи смешно, всушност е многу точно. Голем број мајки чувствуваат непријатност и нелагодност шест месеци по породувањето во текот на односот со партнерот. Точно не се знае на која жена ќе и се случи вакво искуство и колку тоа ќе трае, односно кога односот со партнерот ќе се врати во нормала. Постојат три причини зошто ова се случува:
ПРОМЕНА НА КАРЛИЦАТА
Едно од најголемите влијанија од бременоста на женското тело дефинитвно е промена на карлицата и нејзините мускули. Покрај тоа што се менува, минувањето на бебето е вистински стрес за тој дел од телото во насока нна поместување и растегнување на мускулите. Иако мускулите на карлицата не ги гледаме, тие имаат важна улога во создавањето болка при сексуалниот однос. Кога мускулите и кожата ќе поминат из таков вид на повреда и промена, како што е породувањето, се создава лузна, а мускулите и кожата можат да бидат посилни, помалку растегливи и значано почувствително. Затоа и доаѓа до појава на болка.
Што можете да направите?
Експертите обично препорачуваат вежби за карлицата што можете да ги правите, а кои се фокусираат на мускулите, дишењето и масажа на лузната.
ХОРМОНАЛНИ ПРОМЕНИ
Хормоналните промени во голема мера влијаат на создавање болка за време на сексуален однос. Кратко време по породувањето, естрогенот значително ќе се намали и ќе остане низок, особено ако доите. Самиот вагинален отвор е многу чувствителен на естроген. Кога го нема доволно, може да настане некаков вид воспаление и намалена влажност. Сувоста може да влијае на на тоа да имате болка при односот и да ви биде непријатно.
Што можете да направите?
Сувоста на вагината по породувањето може да биде навистина непријатна. Трудете се одржувате влажност во секое време, не само за време на сексуалниот однос. Кокосовото масло (мала количина) или некои други препарати може да ви помогнат да ја подобрите влажноста во тој дел. Можете исто така да се консултирате со лекар, кој ќе ви препорача креми со естроген, што секако ќе ви биде од помош.
ПРОМЕНА ВО СЕКСУАЛНИТЕ НАВИКИ
Една од најважните причини за болка е всушност промената на навиките. Покрај постојаната грижа за бебето, несоница и замор, промени во телото, недостаток на самодоверба и сите други промени, сексуалната желба често се намалува по раѓањето.
Што можете да направите?
Обидете се да се свртите кон задоволството. Размислете која е вашата најголема бариера и зошто не можете да се опуштите. Дали се чувствувате непријатно и без самодоверба или можеби сте исцрпени? Можеби сувоста на вагината ви предизвикува проблем и ја губите волјата за секс?
Обидете се да го откриете проблемот и потоа најдете начин како да го решите. Физичките бариери не се секогаш во прашање. Понекогаш е неопходно да го побарате проблемот во вашите чувства.
Добро и важно е да знаете дека вашите односи ќе се вратат во нормала. Ова е само почеток и нормално е да постојат мали проблеми. Сосема е во ред доколку се уште не сте подготвени. Исто така, не се воздржувајте ако чувствувате желба за интимност.
