Сѐ повеќе деца ширум светот се соочуваат со прекумерна тежина, а обезноста сѐ почесто се јавува во сѐ помлада возраст. Додека во Англија едно од пет деца е веќе обезно, кај нас недостигаат точни податоци за состојбата. Вообичаено, мерењата започнуваат во основното училиште, но според ново големо истражување, тоа е предоцна. Тим научници, анализирајќи податоци од над 700.000 деца, предупредуваат дека првите знаци на ризик се појавуваат уште пред четвртата година. Затоа, родителите треба да почнат да ја следат телесната тежина уште од втората година од животот – за навреме да спречат долгорочни здравствени проблеми.
Но, нова студија предлага родителите да ја следат телесната тежина кај детето, уште од втората година од животот.
Тим научници, предводени од проф. Ламиес Хасан, проучувал 54 интернационални студии. Анализирани биле податоци од над 700.000 деца и откриле типичен индекс на телесна маса за девојчињата и момчињата, на возраст помеѓу четири и 11 години. Но, студиите кои ги следиле децата во рана возраст (пред четвртата година), упте тогаш пронашле видливи индикации на обезност.
Тоа значи дека мерењето со почетокот на училиштето, не е доволно за да се спречи ризикот од прекумерна тежина кај децата. Претходно проучување е клучно за да се елиминира ризикот од болести како дијабетес тип 1 и масен црн дроб. Токму затоа, тимот стручњаци предлага родителите да ја следат телесната тежина кај детето уште од втората година од животот.
- Што е нормално?
Дебелината се повеќе почна да се јавува во пораната возраст, па родителите потешко ги воочуваат сигналите на време. Една британска студија открила дека мал број луѓе ја сметаат тежината на своето дете за проблематична, а една третина верувале дека децата имаат здрава тежина, а всушност биле обезни. Проблемот лежи и во индексот на телесна маса (BMI), кој не ги зема предвид обемот на мускулите и мастите кај децата. Според американскиот Центар за контрола и превенција на болести, момчињата на возраст од две години тежат околу 12,5 килограми, а девојчињата 12 килограми.
