Афтите се болни промени во устата, со големина од неколку милиметри, а може да бидат и поголеми од еден до два сантиметри во пречник. Главно се со белузлава боја и ограничени се со црвена воспалена слузокожа во кружна форма. Може да се јават кај многу мали деца, дури и кај деца помали од една година.
За нивната појава се уште не е утврдена вистинската причина. Постојат заболувања кои се предизвикани од вируси и кои исто така се проследени со појава на афти во устата. Но, афтите може да се јават и повремено и да не се поврзани со висурни заболувања. Стресот може исто така да биде тригер за појава на афтозни лезии, како и недостаток на витамините Б, Е и Д. Лицата коли имаат интолеранција на глутен или лактоза се посклони на појава на афти.
Кај децата кои се склони на појава на афти, треба да се работи на јакнење на имунитетот, а бидејќи и стресот може да биде тригер за појавата, треба да се обрне внимание дали детето се наоѓа во некој тежок животен период.
Афтите во устата обично траат околу една недела
ТЕРАПИЈА
Терапијата за ваквите промени главно е симптоматска. Додека се во многу болна фаза, детето треба да се храни со мека и кашаста храна, да не внесува премногу зачинета и жешка храна.
Посетата на стоматолог и примената на средства за локална апликација може да го убрзаат процесот на зараснување на афтозните промени.
