Следниот пат кога вашето дете ќе почне да плаче, земете ги превид благодатите на отпуштањето емоции пред нагло да реагирате. Според д-р Клер Кулен, офталмолошки хирург во педијатријата, солзите обезбедуваат нутриенти и кислород, а тие превенираат инфекции, а некогаш и лекуваат.
“Тие помагаат во спречување на можно исушување и создаваат фина и мазна површина на окото, што е многу важно за прочистен вид“, потенцира таа.
Еве што таа вели за најчестите прашања за солзни очи кај децата.
Што ги предизвикува?
Оваа состојба може да се развие во било која возраст. Може да се јави на едното, а некогаш и на двете очи, и најчесто се јавува кај деца помлади од 12 години. Статистиката покажува дека 20% од новороденчињата развиваат солзни очи во првиот месец од животот. Но, таквата состојба се решава сама од себе.
ПРИЧИНИ
Постојат две главни причини за појава на солзни очи:
- Неуспешен дренажен систем (Запушени солзни канали)
- Неумерено производство на солзи
Блокираните солзни канали најчесто се предизвикани од мала, издржлива мембрана која се нарекува Хашнерова вулва. Тоа е остаток од мембраната присутна додека бебето е во стомакот на мајката. Се наоѓа на крајот на солзниот канал, токму каде што почнува дренажниот систем кај носот. Но, во 95% од случаите, состојбата кај бебињата родени со запушени канали се решава сама по себе.
Доколку солзниот канал е тесен или блокиран, одводот на солзи ќе биде оневозможен и тие ќе се собираат во солзни ќесиња. Ова може да доведе до константно лепливи очи, што ги загрижува повеќето родители. Поголемиот дел од времето, ова е само воспоставување на нормална секреција на солзите и може регуларно да се брише со памучно шамивче или памук натопено во стерилна вода.
