Дали некогаш сте пишувале или веќе активно пишувате дневник? Дали е тоа нешто сосема приватно и тајно, или е тоа место каде што ги опишувате дневните случувања или размислувања? Во последните неколку години, од кога блоговите се многу популарни, мајките од целиот свет своите искуства ги делат со други мајки, разменуваат совети. И додека е тоа одличен начин да добиете совет и да споделите информација, на некој начин да го сочувате од заборав она што ви се случува од одреден период од животот, дали некогаш сте размислувале да водите дневник наменет за вашите деца?
Се прашувате зошто? Не само за да ги сочувате спомените, туку и поради полесно следење на одредени животни случувања, напредувања на децата, добри и лоши моменти, ваши и нивни успеси и неуспеси, кои подоцна ќе ги заборавите.
Исто така, тоа е место кое може да ви служи како вентил за исфрлање на сите раобти кои ве мачат, кои не можете со некого да ги поделите.
Зошто да водите дневник за децата?
Со тоа ја запишувате нивната, но и вашата историја. Кога детето ќе се роди, и нема многу за пишување, освен некои стандардни работи, како редовните мерења, што јаде, колку плаче, што ви најлесно, а што најтешко. Но, како ќе расте детето, ќе имате многу повеќе случки за пишување. Имајте на ум ако ви е прво дете, одредени работи кои ќе ги запишете, добро ќе ви дојдат и за наредните деца. Пишувајте од своја перспективна, но објективно. Напишете колку децата се добри, но и колку се немирни. Кои се вашите грешки, а кои нивни. Пишувајте за карактерите, како и што би сакале на нив да подобрите, но и на што им се восхитувате.
Целта на днвникот не е само да ги фалите децата, туку реално да ги опишете разните животни ситуации, и добри, и лоши. Родителите понекогаш знаат да ги преувеличаат спомените на своите деца, и мислат дека нивните деца се најпосебни, најдобри, најпаметни…
Кога пишувате дневник за децата, полесно е да спознаете што би сакале да промените кај нив, односно на што треба да се посветите при натамошното воспитување. Многу е тешко при секојдневните обврски да видите и да се насочите на одреден проблем кое детето го има – без разлика дали се работи за однесување, учење, игра, однос со другите деца или друго. Но, кога ќе ги ставите месечните случувања на хартија, и кога ќе размислите за нив, можеби полесно ќе го откриете и изворот на проблемот, па така полесно ќе го најдете и решението.
Кога имате чувство дека сте затаиле како родител и кога ќе помислите дека повеќе едноставно немате сила, тука е дневникот да ве потсети на се што сте поминале во животот, и дека вие навистина правите разлика во тие мали животи.
