Постојат неколку заблуди за тоа што смеат или не смеат да јадат трудниците, за среќа, чоколадото, омиленото слатко на многумина, не е предмет на ваквите дебати. Дополнително, идните мајки треба да јадат чоколадо бидејќи овој десерт има одлични ефекти врз мајката и бебето, но секако треба да го јадат само во умерени количини.
Еве кои се добри ефекти ги има чоколадото врз мајката и бебето поради корисните состојки што ги содржи.
Антиоксиданти – помагаат да се елиминираат слободните радикали во телото. Истражувањата покажуваат дека оксидативниот стрес придонесува и за прееклампсија, поради што внесувањето на антиоксиданти во текот на бременоста е корисно.
Магнезиум – многу луѓе имаат недостаток на магнезиум, а јадењето чоколадо може да помогне тоа да се надомести. Магнезиумот е особено важен за време на бременоста бидејќи недостатокот на овој минерал е поврзан со прееклампсија, а некои експерти тврдат дека помага во ублажување на утринските мачнини.
