Калциумот ги гради коските и забите, овозможува правилно функционирање на нервите и мускулите. Наједноставно е да се внесе преку млечни производи. Меѓутоа, доколку детето е нетолерантно на лактоза или едноставно не сака да јаде млечни производи, постојат и други намирници кои содржат висок процент на калциум.
1. Зелка
Содржина на калциум: 268 милиграми во 190 грама варена зелка.
Оваа намирница содржи четвртина од дневниот препорачан внес, а богата е и со витамин А за дури три дневни дози, што е важно за видот. Одличен додаток и е маслиновото масло и лукот.
2. Брокула
Содржина на калциум: 86 милиграми во 200 грама.
Покрај тоа што е богата со калциум, брокулата содржи речиси двојно повеќе витамин Ц од портокалите.
3. Кељ
Содржина на калциум: 101 милиграми во 67 грама.
Има само 30 калории по порција, содржи дневна доза на витамин Ц и двојно поголема дневна вредност од витамин А. Содржи и витамин К.
4. Смоква
Содржина на калциум: 121 милиграми во 75 грама суви смокви.
Ова вкусно овошје е богато со влакна и калиум. Смоквите содржат и магнезиум, минерал кој телото го користи за околу 300 биомеханички реакции, како што се одржување на мускулната функција, одржување на работата на срцето и зајакнување на коските.
5. Портокал
Содржина на калциум: околу 74 милиграми во голем портокал и околу 27 милиграми во сок од портокал.
Портокалите го подобруваат имунитетот бидејќи се богати со витамин Ц, но содржат и низок процент на калории и многу антиоксиданти.
6. Сардини во конзерва
Содржина на калциум: околу 350 милиграми на 100 грама.
Оваа конзервирана риба може да биде добар додаток на салати и тестенини. Освен што содржат голема количина калциум, тие се добар извор на витамин Б12, неопходен за нервниот систем и витамин Д, важен за здравјето на коските.
7. Конзервиран лосос
Содржина на калциум: околу 232 милиграми во половина лименка.
Ако не можете да најдете лосос за кој знаете дека е свеж, конзервираниот лосос е идеалното решение. Покрај калциум, содржи околу 38 грама протеини.
8. Бел грав
Содржина на калциум: околу 63 милиграми во 90 грама варен грав.
Оваа хранлива намирница е богата со влакна, протеини и железо, како и со калиум. Содржи и здрав скроб и јаглехидрати, кои помагаат во забрзување на метаболизмот.
9. Тофу
Содржина на калциум: околу 434 милиграми во 113 грама тофу.
Тофу е вегетаријански извор на протеини, но и многу богат со калциум. Тофуто е намирница која може да се комбинира на многу начини, бидејќи го поприма вкусот на храната со која се подготвува.
10. Бадеми
Соржина на калциум: дваесет бадеми имаат околу 75 милиграми калциум.
Бадемите се многу здрави, содржат околу 12 проценти од дневните потреби за протеини, богати се со витамин Е и калиум. Тие исто така содржат добри масти кои го намалуваат лошиот холестерол.
