Разновидната исхрана е од клучно значење за здравјето на секое дете, но дали знаете дека одредени намирници се поздрави за јадење кога барем малку термички ќе се обработат. Кои се тие?
ДОМАТ
Доматите имаат посебно силна лушпа поради која воо телото тешко се разградуваат, а особено е тешко од неа да се излече антиоксидантот ликопен. Кога доматот ќе се свари, лушпата се одвојува и ликопенот е слободен за апсорпција.
ТИКВА
Во тиквата има многу бета-каротен кој во телото се претвора во витамин А. Тој антиоксидант полесно се искористува ако тиквата е сварена. Ако сакате максимално да ја искористите тиквата, од неа направете за детето густа супа или некој сос за тестенини илии месо. Важно е во секое јадење да додадете и масло или путер, оти овој витамин мора да се стопи во масти за телото да го искористи.
СПАНАЌ
Ако сакате да го искористите железото и витаминот Б од спанаќот, најдобро е кратко да се провари или обари. Може да се користи и свеж како додаток во смути за детето.
МОРКОВ
Како и тиквата, и морковот е познат по бета-каротенот на кој му се препишуваат позитивни ефекти на здравјето на очите и на кожата. Затоа е корисно оваа намирница термички да се обработи за телото да може да го искористи бета-каротенот. Секако, не е на одмет да се консумира и свеж морков.
