Додека некои родители и на обично кивање кај детето му се јавуваат на матичниот педијатар за консултација, некои сметаат дека причина за одење во детска амбуланта е само високата телесна температура или болката што не поминува. На која група и да припаѓате, лекарите предупредуваат никогаш да не ги игнорирате овие пет симптоми кои што може да се појават кај децата.
ВИСОКА ТЕМПЕРАТУРА И СИЛНА ГЛАВОБОЛКА
Децата често имаат покачена телесна температура, главно предизвикана од помали инфекции и тоа најчесто не е загрижувачка состојба, бидејќи нивниот организам многу лесно ќе ја победи. Ако високата телесна температура е проследена со главоболка, особено ако главоболката е толку силна што детето едвај ги држи очите отворени, веднаш посетете педијатар за да се исклучи можноста за менингитис (воспаление на мозочната обвивка).
БОЛКА ВО СТОМАКОТ
Некои деца имаат чувствителен дигестивен систем и често ги боли стомак, главно по консумирање на храна што не им одговара. Но, ако забележите зголемено ниво на нелагодност кај детето која вклучува болка во долниот десен дел на стомакот, повраќање, пролив и стомак чувствителен на допир, работите може да е посериозни, бидејќи може да станува збор за воспаление на слепо црево. Клучна разлика помеѓу болка во стомакот како рекација на храна и воспалено слепо црево е таа што болката при слепо црево се зголемува со текот на времето.
ЗАМОР
Ако видите дека детето е поуморно од вообичаено и го нема тоа ниво на енергија на кое сте навикнале, немојте ова да го игнорирате и да го препишувате на нанеспиеност или пубертет. Причини може да има повеќе и отидете на лекар за проверка. Некои од нив може да бидат анемија, депресија, малапсорпција или главоболка. Важно е на детето, особено на тинејџерска возраст, да му озвоможите време насамо со лекарот, бидејќи можеби ќе му биде непријатно пред вас да зборува за чувствителни прашања.
ПРОБЛЕМИ СО ДИШЕЊЕТО
Астмата е се почеста болест меѓу децата и нејзината зачестеност низ годините се зголемува. За да ги препознаете симптомите, немојте да ја игнорирате задишеноста кај детето при физичка активност, пискав звук при издишување, потешкотии со дишењето или бавно опоравување од респираторни инфекции.
НАГЛАСЕНА ЖЕД
По часови трчање и игра со другарчињата, секако дека детето ќе биде жедн. Но, екстремно нагласената жед е сосема поинаква. Ако забележите дека детето не може да ја угаси жедтта и пие многу вода, информирајте го лекарот за овој симптом, бидејќи тоа е прв знак за дијабетес.
