Целулитот се појавува уште во бременоста и колку тоа и да не ве радува, постои причина зошто е неизбежен. Зголеменото количество на поткожното масно ткиво доведува до формирање на целулит. Вишокот на масни наслаги му овозможуваат на женското тело достапност за неопходните калории за развој на плодот за време на бременоста, но и за лактација по породувањето.
Друга работа која влијае на појавата на целулитот, дури и ако добиете премногу килограми за време на бременоста, е поврзана со хормоналните осцилации.Главниот виновник за тоа е покаченото ниво на естроген, кој е одговорен за распределбата на мастите во организмот и доведува до прекумерно таложење на масно ткиво.
Иако е сосема нормално со целулитот да не се оптоварувате додека сте бремени, по породувањето кога ќе сакате што побрзо да го вратите стариот изглед, ќе сакате да се ослободите од него што е можно поскоро. Сепак, внимавајте особено ако го доите бебето, различните третмани кои можат да ви помогнат брзо да го елиминирате целулитот и понатаму треба да ги заобиколувате, а освен тоа, тешко дека ќе најдете време за масажи со мало бебе.
Доколку доите, одложете ја вистинската „борба“ со целулитот за периодот после лактацијата, а во случај да не доите, за вистинската „борба“ почекајте да поминат 5 до 6 месеци, целосно да се врати хормоналниот статус.
Совети што е најдобро да направите за да се ослободите од целулитот по породувањето:
- Дајте му време на вашето тело да се опорави.
- Немојте веднаш да трчате по инвазивни методи за елиминирање на целулитот, како масажи и ласерски третмани, многу од нив не се препорачуваат во овој период.
- Пијте многу вода, не консумирајте брза храна, пржена храна, масно месо, сирење, колбаси, маринади и висококалорични производи.
- Вклучете благи вежби според вашата состојба, а и прошетката може да биде доволна додека не закрепнете.
- Одржувајте го вашето тело добро хидрирано, не дозволувајте вашата кожа да биде сува.
