На возраст од осум или десет и 12 години детето се уште не е тинејџер, но веќе не е ни толку мало дете, што се гледа по промените во неговото однесување. Еве кои знаци покажуваат дека вашето „бебе“ веќе не е бебе и дека пубертетот е веднаш зад аголот.
- Пријателите се на прво место
Во градинка, предучилишна и на почетокот на основното училиште комуникацијата и играњето со другарите се забава за детето, но за него и понатаму се најважни родителите. Односот со мама и тато, нивното мислење, зборови и постапки во тој период играат клучна улога во животот на детето, но како што старее, пријателите стануваат најважни, а односите со нив стануваат сè покомплицирани.
Исто како и тинејџерите, децата во оваа пред-тинејџерска возраст сакаат да бидат прифатени и популарни во друштвото, а особено се загрижени за тоа што мислат другите за нив. Исто така, сè повеќе внимаваат на облеката што ја носат.
- Не можете да го разбудите
Со години сакавте само малку сон, се надевавте дека детето ќе спие малку подолго наутро, барем за викенди – но најчесто не беше така. Сега одеднаш не можете да го кренете од кревет наутро, едвај го будите за на училиште, за време на викендите долго спие… Главна причина за тоа се хормоните.
За време на пубертетот, во мозокот се ослободува мелатонин, што влијае на циклусите на спиење и будност, па детето кое нормално станува рано во овој период може да се претвори во „ноќна птица“, која легнува доцна и станува доцна.
- Се дистанцира
Не само што родителите веќе не се на прво место, туку се почесто го нервираат детето со тоа што „му поставуваат премногу прашања“ и „ништо не разбираат“. Поради ова, детето поминува се повеќе време само во својата соба, зборува помалку од вообичаено и превртува со очите секогаш кога нешто ќе го прашате или ќе му дадете мислење за нешто.
Иако сето ова е тешко за родителите, запомнете дека ова е нормална фаза на развој. Вашето дете сè уште ве сака и му требате, неговото вакво однесување е само привремено. За тоа време, обидете се да бидете љубезни и да покажете разбирање за неговата фаза.
- Посрамежливо е од вообичаено
Срамежливоста во овој период е особено изразена кај девојчињата. На возраст околу 12. година почнуваат да ја губат самодовербата, постојано се споредуваат со други девојчиња и бараат маани во својот изглед. И момчињата се подложни на промени во однесувањето, со тоа што кај нив се манифестираат малку поинаку дури и на друга возраст.
- Постојано се жали
Вашето дете одеднаш има мислење за сè, подготвено е да го одбрани, а она што го интересирало порано сега е наеднаш досадно. Ако забележите дека некое време се нервирате затоа што детето се жали на се, без никаква причина, а не можете ни да го натерате конечно да си ја среди собата, знајте дека и таквото однесување е нормално во оваа фаза. Вака се однесуваат повеќето момчиња и девојчиња кога пубертетот „чука на врата“, а најважното нешто што треба да знаете е дека и ова ќе помине.
