Кога одите на прошетка на топло време, нека тоа биде наутро и навечер, а вашето дете облечете го во светла памучна облека, советуваат експертите.
Избегнувајте да бидете на сонце помеѓу 10 и 17 часот. Ако тоа не е можно, останете во сенка, а на децата на глава ставете им капа или шешир. Исто така, не заборавајте да нанесете крема со висок заштитен фактор.
Редовно нудете му вода на детето, а избегнувајте сокови и слатки пијалаци. Спакувајте крема за сончање, шише вода, влажни и суви марамчиња, лесен оброк, комплет резервна облека и комплет за прва помош со антисептик во ранецот.
Избегнувајте какви било интензивни активности, а на плажа можете да цртате, да сликате, да играте карти или да играте со топка во сенка.
Во случај на топлотен удар кај дете, може да забележите промени во однесувањето, пораст на температурата, забрзано чукање на срцето и дишење. Покрај тоа, детето може да се жали на главоболка, гадење и повраќање.
