Српскиот вирусолог Ана Банко вели дека истражувањата покажале дека имунитетот на вакцинираните и оние кои прележале коронавирус опаѓа по шест месеци, но и дека нагол пад на бројот на новозаразени започнува две до три недели по третата доза.
Истражувањата од Израел покажаа дека две до три недели по третата доза доаѓа до нагол пад на бројот на новозаразени
„Истражувањата од Израел покажаа дека имунитетот шест месеци по вакцинацијата паѓа на оној имунитет кој го стекнуваме само со првата доза или шест месеци по прележана инфекција, но тие исто така покажаа дека две до три недели по третата (бустер) доза, започнува нагол пад на бројот на новозаразени. Значи, тие докажале дека имунитетот не трае долго, но тие исто така докажале, особено кај популацијата над 50-годишна возраст, дека е неопходна засилувачка, бустер доза за навистина да се спушти кривата“, изјави Банко за РТС.
Таа посочува дека фактот дека имунитетот не трае долго не смее и не треба да биде обесхрабрувачки и дека мора се работи на зголемување на обемот на вакцинација.
„Факт е дека опфатот на вакцинацијата мора да биде многу поголем затоа што имунитетот по прележана инфекција со коронавирус не е долготраен и тоа е всушност најголемиот проблем, бидејќи оние кои природно ја прележале инфекцијата, повторно ја добиваат, а тоа се случува и со вакцинираните“, објаснува таа.
- Додава дека делта сојот на коронавирус „го пробива имунитетот“ и дека превентивните мерки не се почитуваат доволно. Наведува дека во овој момент во болниците се најмногу невакцинирани луѓе – и меѓу помладата популација и оние постари кои не ја примиле третата доза
„Не е доцна за следните бранови да се започне масовна имунизација сега. Во овој момент е предоцна за сите оние животи што, за жал, се изгубени меѓу младите затоа што не се вакцинирани. Значи, не е предоцна за сите наредни бранови да започне таа имунизација во овој момент“, порача Банко. (РТС)
