Наесен, меѓу настинките, грипот и другите вируси, сè почесто кај децата се јавува и белодробната инфекција наречена „пешачка пневмонија“ (walking pneumonia), особено кај малите деца. Позната е и како микоплазма пневмонија, бидејќи најчесто ја предизвикува бактеријата Mycoplasma pneumoniae. Иако обично е блага, сепак, може да предизвика непријатности и проблеми со дишењето. Еве што треба да знаете за овој здравствен проблем што е во пораст.
- Што е „пешачка пневмонија“?
„Пешачка пневмонија“ е вид на бактериска инфекција што ги зафаќа белите дробови. Таа обично предизвикува поблаги симптоми во споредба со другите форми на пневмонија, па децата кои ја имаат се чувствуваат доволно добро за да шетаат и да не остануваат во кревет. Оттука и името – „пешачка пневмонија“.
- Колку е честа кај децата?
Секоја година, околу два милиони луѓе заболуваат од „пешачка пневмонија“. Од пролет наваму, инфекцијата е почеста кај децата на возраст од 2 до 4 години. Во минатите години, почесто ја добиваа деца на училишна возраст и тинејџери.
Истражувачите сметаат дека порастот на случаи може да се должи на нов вид бактерии или на тоа што детскиот имунитет не знае како да се справи со инфекцијата, бидејќи децата не биле изложени на неа за време на пандемијата со КОВИД-19.
- Како изгледа „пешачка пневмонија“ кај децата?
Децата со оваа атипична пневмонија може да се чувствуваат општо лошо и да имаат симптоми како:
- температура или треска,
- долготрајна кашлица,
- болка во грлото,
- главоболка,
- силен замор,
- забрзано или отежнато дишење,
- свиркање во градите,
- дигестивни проблеми (мачнина, повраќање, дијареја, раздразнет стомак),
- губење на апетит (кај постари деца) или слабо цицање (кај бебиња),
- болка во уши, гради, стомак или зглобови,
- осип,
- солзење на очите, кивање, течење или затнат нос.
„Пешачка пневмонија“ (Walking pneumonia) е немедицински термин за блага форма на пневмонија. Поточното медицинско име е атипична пневмонија, која може да биде предизвикана од одредени габи, вируси или бактерии; најчесто од една честа бактерија наречена Mycoplasma pneumoniae. Обично не е потребен строг одмор во кревет или хоспитализација, а симптомите можат да бидат доволно благи за да можете да продолжите со секојдневните активности, па оттука и називот „пешачка“ (walking)
Откако ќе започне антибиотска терапија, детето е со помала веројатност да ја пренесе болеста на останатите членови од семејството. Сепак, охрабрете ги сите дома да мијат раце добро и често. Не дозволувајте детето да дели чаши, прибор за јадење, пешкири или четки за заби со некој друг
Важно е да се знае дека сите деца со оваа инфекција немаат проблеми со дишењето. Исто така, симптомите може да наликуваат на настинка или грип. Затоа, важно е да внимавате како се чувствува вашето дете, без разлика која е причината за болеста.
- Како се лекува „пешачка пневмонија“?
Антибиотиците се ефикасен третман за „пешачка пневмонија“ предизвикана од Mycoplasma pneumoniae. Обично се препорачува 5–10 дена терапија со орален антибиотик. Ако лекарот препише антибиотик, важно е детето да ја зема терапијата редовно и онолку долго колку што е наведено, за побрзо закрепнување.
Откако ќе започне антибиотска терапија, детето е со помала веројатност да ја пренесе болеста на останатите членови од семејството. Сепак, охрабрете ги сите дома да мијат раце добро и често. Не дозволувајте детето да дели чаши, прибор за јадење, пешкири или четки за заби со некој друг.
Научете ги децата да кашлаат или да киваат во марамче или во лактот/горниот дел на раката (не во дланките). Измијте раце по допирање на искористени марамчиња. Исто така, осигурајте се дека децата ги имаат примено сите вакцини според календарот, за да бидат заштитени од други инфекции.
- Дали може сама да помине?
Кога е блага, „пешачката пневмонија“ може да помине сама по себе, со грижа во домашни услови – доволно течности и одмор. Понекогаш, децата имаат потреба од антибиотик за побрзо да се излечат. Лекарот ќе препорача соодветен третман.
Повеќето симптоми исчезнуваат за една до две недели, но кашлицата може да трае и подолго.
Важно е да се знае дека сите деца со оваа инфекција немаат проблеми со дишењето. Исто така, симптомите може да наликуваат на настинка или грип. Затоа, важно е да внимавате како се чувствува вашето дете, без разлика која е причината за болеста
Ако вашето дете има благи симптоми, лекарот може да препорача:
- многу течности,
- лекови без рецепт (како парацетамол или ибупрофен) за намалување на температурата и болката. Не давајте аспирин на деца и тинејџери, бидејќи е поврзан со ретка, но сериозна болест – Рејев синдром.
Децата со потешки симптоми (на пример, проблеми со дишењето) или со други здравствени состојби можат да имаат потреба од болничко лекување.
Ако состојбата на детето не се подобрува или ако кашлицата се влошува, обратете се на лекар. Веднаш побарајте помош ако има проблеми со дишењето.
- Може ли да се спречи?
„Пешачката пневмонија“ се пренесува преку капки што настануваат при кашлање или кивање. За да се спречи инфекцијата, охрабрете ги децата често да ги мијат рацете и да избегнуваат блиски контакти со болни лица.
Ако веќе имаат инфекција, децата можат да помогнат да не се шири така што ќе ја покриваат устата кога кашлаат или киваат.
