Новата школска година, како и онаа во градинките го (по)троши првиот месец. Во комбинација со се постуденото време кое не очекува и фактот дека сè повеќе време ќе поминуваме во затворени простории, бројните болести се речиси неизбежни. Но, со здрави основи и некои корисни трикови, сигурно ќе можете да избегнете некои од нив!
Основата на здравјето е здравата исхрана, престојот во природа, физичката активност и редовното проветрување на просториите
Дали воопшто може да се избегнат болестите во градинка и училиште?
Дури и кај децата со силен имунитет годината сигурно нема да помине без повремени болести, но зајакнувањето на имунитетот е многу важно бидејќи тогаш и да се разболат децата многу полесно и побрзо ќе ја преболат болеста и симптомите ќе бидат многу послаби.
Како да се зајакне имунитетот на детето?
Повеќето од нас теоретски знаат речиси се за зајакнување на имунитетот, основата на здравјето секако е здравата исхрана, престојот во природа, физичката активност и редовното проветрување на просториите.
Здрава исхрана: Што можеме да сметаме за здраво во денешно време?
Здравата исхрана вклучува оброци базирани на овошје и зеленчук, заедно со квалитетно месо и риба и житарки со цели зрна. Звучи многу едноставно, но во овие јасни упатства многу често залутува голема количина храна која е преработена, преполна со адитиви, бројни конзерванси и бои, како и скриени соли и шеќери. За да му послужите на вашето семејство здрав оброк, потрудете се да се водите според насоките кои велат дека храната од нивата до вашата чинија треба да патува што е можно пократко, а начинот на подготовка не би требало да ја нарушува препознатливоста на намирниците.
Секогаш кога времето дозволува, одберете да бидете надвор. Гумени чизми и капут за дожд се сосема доволен додаток за да доживеете нови нивоа на радост со вашето семејство оваа есен!
Високата цена на намирниците, но и слабата достапност на проверена храна без сомнителни состојки, често се главната пречка во здравата исхрана, па она што можете да го направите е секогаш да избирате сезонски намирници и да избегнувате преработена храна, готови јадења и поголеми количини на грицки и слатки.
Она што може да направи разлика е редовното испирање на носната слузница со солен раствор. Оваа течност спасува многу носиња во сезоната на респираторни заболувања, а бидејќи нема никакво штетно дејство, туку многу нежно ја испира и ја навлажнува слузницата на носот, идеално би било ова да стане навика и да се воведе во секојдневниот ритуал по враќањето од градинка или училиште
Како да останете здрави?
♦ Поминувајте што повеќе време на свеж воздух, бидејќи покрај големите придобивки од чистиот воздух врз имунолошкиот систем, тука е и многу подобро искористеното време за физичка активност наместо времето поминато во затворени простори пред екрани. Секогаш кога времето дозволува, одберете да бидете надвор. Гумени чизми и капут за дожд се сосема доволен додаток за да доживеете сосема нови нивоа на радост со вашето семејство оваа есен!
♦ Поквалитетниот воздух во затворените простории е подеднакво важен, особено во месеците кога поминуваме се повеќе и повеќе време во нашите домови. Често проветрувајте ги просториите, не спијте во премногу топли простории и користете дифузери и навлажнувачи и прочистувачи на воздух доколку е потребно!
♦ Ритуалите како што се вадење чевли веќе на влезот, обуени да не поминувате низ просторот каде што децата подоцна одат боси или го допираат подот со рацете, како и темелно миење на рацете веднаш по влегувањето во домот, воглавно се подразбираат.
♦ Она што може да направи разлика е редовното испирање на носната слузница со солен раствор. Оваа течност спасува многу носиња во сезоната на респираторни заболувања, а бидејќи нема никакво штетно дејство, туку многу нежно ја испира и ја навлажнува слузницата на носот, идеално би било ова да стане навика и да се воведе во секојдневниот ритуал по враќањето од градинка или училиште, со цел што помалку лоши бактерии и вируси да се задржат во респираторниот систем на вашето дете.
♦ Во случај да имате навистина пребирлив јадач или дете кое поради некоја причина јаде полошо, навреме консултирајте се со вашиот педијатар за можната потреба од некои додатоци во исхраната, пред сезоната на болести да биде во полн ек.
♦ Бидете доследни. Здравата исхрана, како и престојот на свеж воздух и физичка активност треба да бидат константа во животот на вашите малечки. Запомнете: бактериите и вирусите ги обожаваат малите деца!
