Дете на 23 месеци почнува да покажува интерес за играње со други деца, а особено на оние кои вклучуваат физичка активност како брканица и имитација.
Што сега прави?
Со 23 месеци, повеќето деца може да одат наназад, а некои може да стојат на врвот на прсти и да скокаат во место. Имајте на ум дека децата се развиваат со различна брзина и веројатно не станува збор за никакви проблеми, ако вашето дете не е толку активно. Ако сте загрижени поради неговиот развој, советувајте се со матичниот педијатар.
Играта со други деца станува се поизразена, а особено ако таа вклучува брканица или пак некој тип на имитирање.
Облекувањето, а особено соблекувањето на возраст од 23 месеци е омилена активност која се прави додека мема не гледа. Исто така, ако детето има омилена облека, ќе бара да ја носи постојано и во временски период и активности кои не се соодветни. На пример, не е невообичаено дете на оваа возраст во лето да излезе со чизми или зимска капа, а во зима со кратки ракави или сандали.
Компромисот и натаму ви е најдобар пријател, но и одбрана!
Како комуницира?
Почнува да ги разбира последиците на своите постапки, па така знае дека ако ја испушти чашата, течноста ќе се истури. Но, тоа не значи дека ќе престане да ги испробува последиците од своите постапки. 23. месец е време и кога “НЕ САКАМ“ ќе стане се поцврсто и поодлучно, а нивните иде се појасни.
Молбите стануваат поизразени, па така и вокализирањето на сопствените желби.
Како може да помогнете?
Дајте му поттик за да му помогнете да развие свој се побогат речник. Пејте песни и читајте книги, и разговарајте за тоа. Поставувајте му прашања, подпрашања за да ја развиете неговата имагинација. На оваа возраст децата се способни да следат заплет на едноставни книги.
