Ако мислите дека денес не сте во можност да уживате оти постојано мислите на тоа како утре или за викенд мора да работите, тогаш вашиот живот веројатно не е избалансиран. За вашето дете да се почувствува сакано и важно за вас, мора да воспоставите животен баланс. Ако себе си си дозволите да влетате во круг на работи за кои сметате дека морате да ги направите, а не постогнувате, ќе станете оптоварени и помалку среќни. Тоа чувство ќе го пренесете и на своето дете и постои огромна шанса тоа да се почувствува виновно за таквата ваша состојба. За да спречите сопствено оптоварување, но и несигурност на детето од таквото ваше однесување, постојат совети до кои треба да се придржувате.
БИДТЕ ПОЗИТИВНИ
Ако не сте стигнале да отидете до парк или на игралиште со детето, не бидете тажни пред него и не покажувајте колку сте незадоволни што не сте успеале поинаку да се организирате. Секогаш бидете позитивни и со детето зборувајте за некое убаво случување, најавувајќи го на тој начин она доброто кое следи.
ПОСТАВЕТЕ ГРАНИЦИ
Доколку морате да работите и дома, на своето дете јасно дајте му до знаење дека не треба да ве вознемирува додека не го завршите она што го имате. Кажете му дека штом завршите, ќе му се посветите нему.
СЛУШАЈТЕ ГО ДЕТЕТО
Преоптоварени сте со работа, но секогаш постои период во текот на денот кога со детето може да зборувате за неговите чувства, мисли и интереси, а тоа е за време на јадење. Тогаш избегнувајте да зборувате за работа, освен ако детето нешто не ве праша, но и тоа нека биде кратко и префрлете се на тема интересна за него.
ВКЛУЧЕТЕ ГО ДЕТЕТО
Можеби мислите дека вашето дете на само две години е премало да разбере што правите, но е доволно големо да сфати дека вниманието ви е насочено кон работата, а не кон него. Најдете начин да зборувате за работата, а потоа прашајте го детето што мисли за тоа. Не е лошо ако имате можност и него да го вклучите во некоја обврска врзана за работата.
ВО РЕД Е ДА СИ ЈА САКАТЕ РАБОТАТА
На детето објаснете му дека ја сакате својата работа и поради фактот дека ви е важна, нема потреба да чувствувате грижа на совест ако и се посветувате и неа.
