Некои од лицата кои ја примиле вакцината против коронавирус имале несакани ефекти, но тоа всушност може да биде знак дека вакцината делува, објаснуваат експертите
Вакцините против коронавирус на „Фајзер“ и „Бионтек“ или „АстраЗенека“ можат да дадат привремени краткорочни несакани ефекти како што се треска или главоболка, пишува „Дејли Стар“.
Овие вакцини не содржат цели вируси и стимулираат моќен имунолошки одговор.
Нашиот имунолошки систем може да ги препознае и разликува вирусите кои го напаѓаат организмот, а истовремено да го обновува оштетеното ткиво.
Симптомите кои можат да се појават после имунизацијата, како што се висока температура или замор, се јавуваат затоа што имунолошкиот систем работи на одбраната
Со вакцината во организмот се внесува побезбедна верзија на патогенот, што предизвикува имунолошка реакција на вирусот. Патогенот во вакцината е потребен за да се обезбеди реакција на имунолошкиот систем.
Сепак, иако постои мала можност да се чувствувате лошо откако сте биле вакцинирани – ова всушност може да биде добар знак. Симптомите кои можат да се појават после имунизацијата, како што се висока температура или замор, се јавуваат затоа што имунолошкиот систем работи на одбраната.
Потешки несакани ефекти се алергиска реакција и оштетување на нервите како резултат на воспаление, но овие реакции се јавуваат многу ретко – се јавуваат помалку од 1 во 500.000 случаи.
Појавата на благи несакани ефекти после вакцинирањето, според Метју Вудруф од Центарот за хумана имунологија на Универзитетот Ејмори, може да биде добар знак.
„Експертите тврдат дека тоа се индикатори дека вакцината „работи“ за она за кое што е дизајнирана, односно дека го „тренира“ имунолошкиот систем на правилна реакција“, вели Вудруф.
И останатите вакцини против коронавирус исто така можат да предизвикаат минливи несакани ефекти – покрај привремено покачена температура, главоболка и треска, може да се појави и болка во мускулите, како и болка и оток на местото на инјектирање.
