Хрватска вчераутро се разбуди со неколку потврдени случаи на индискиот сој на коронавирус, а како што изјави Ива Пем Новосел од Хрватскиот завод за јавно здравство, истиот е откриен пред неколку дена во Сплитско-далматинската жупанија, но „станува збор за индивидуални случаи и нема причина за паника“.
Истражувањето објавено во журналот Global Biosecurity – Еволуцијата и влијанието на варијантите на Ковид-19 – B.1.1.7, B.1.351, P.1 и B.1.617, открива дека сојот B1.617 се разликува од другите варијанти
Она што загрижува е големата заразност и можноста за брзо пренесување. Имено, одреден сој на Ковид-19 може да се манифестира со посериозни и невообичаени симптоми од другите, според водечкото тело за глобално здравје.
Варијантата B1.617 на вирусот, за првпат детектирана во Индија, може да има ефекти како што се дијареја, болки во стомакот, оштетување на слухот и болки во зглобовите.
B1.617, првпат беше идентификуван во Индија во декември минатата година и се смета за многу заразен. Станува збор за варијанта со три под-соеви – B.1.617.1, B.1.617.2 и B.1.617.3. Брзо се шири низ Индија и во други земји, вклучувајќи ја и Австралија.
Истражувањето објавено во журналот Global Biosecurity – Watching Brief: Еволуцијата и влијанието на варијантите на Ковид-19 – B.1.1.7, B.1.351, P.1 и B.1.617, открива дека сојот B1.617 се разликува од другите варијанти.
„Достапни се ограничени податоци за варијантата B.1.617. Сепак, податоците собрани од болниците во Индија за луѓето кои имале позитивен тест за Ковид-19 покажаа невообичаени вирусни симптоми”, се вели во него.
Варијантата B1.617 на вирусот, за првпат детектирана во Индија, може да има ефекти како што се дијареја, болки во стомакот, оштетување на слухот и болки во зглобовите
„Пациентите презентираат болки во стомакот, гадење, повраќање, дијареја и оштетување на слухот. Исто така, забележано е зголемување на симптомите на болки во зглобовите и губење на апетитот. Некои заразени лица не доживуваат треска или одложена појава на треска.“
Истражувачите велат дека поради невообичаените карактеристики, медицинските професионалци го охрабруваат секој што се чувствува лошо да се тестира.
Watching Brief исто така открива дека иако во моментот има малку докази, вториот бран на Ковид-19 во Индија, каде што за прв пат е пронајден B.1.617, покажува повисоки стапки на секундарна инфекција.
„Околу 60-90 проценти од луѓето кои доаѓаат во контакт со заразено лице се тестираат позитивно“, се наведува во истражувањето. „Ова е во спротивност со 30-40 проценти во првиот бран.“
Како и да е, ова е анегдотски доказ во неговите прелиминарни фази, пренесува австралиски „9News“.
