По раѓањето на бебето, брачните партнери ќе увидат дека работите не се онакви како што биле претходно. Многу работи се менуваат и наеднаш други обврски стануваат приоритет. Овој шок е посебно голем за оние кои го добиле првото бебе. Исто така, многу родители немаат никаква претстава, а и не знаат што значи да се има дете и на кој начин, како физички, така и психички, делува на двајцата родители. Значи, повеќето парови за родителството не размислуваат воопшто. Па, затоа на новите родители им се потребни неколку совети и решенија.
Домашни работи
Домот е место во кое секогаш има нешто да се работи. Готвење, перење облека, чистење… Листата е предолга, а сега и уште бебе. Тоа од родителите бара повеќе време и енергија. Најчесто сите овие работи ги извршуваат мајките, а тоа може да биде многу исцрпувачки. Најдобро решение е да се поделат обврските. Но, жените никако не смеат да ги критикуваат мажите.
Родителски стилови
Се случува родителите да немаат исти стилови за одгледување. Наместо на тоа да гледате негативно, обидете се да гледате од друг агол. Тоа може да биде единствена шанса за надополнување и испробување кој метод е подобар. Ова особено важи кога бебето ќе го учите да спие само во креветче, хранење и слично. Прочитајте некои факти поврзани за одреден проблем и најдете го најдобриот метод. Разговорот секогаш е најдобро решение.
Интима
Кога станува збор за интимата, мајките се тие кои имаат потешкотии. Физичките и психичките промени по породувањето и тоа како знаат да ја разнишаат самодовербата. Емоции едноставно навираат, а мајките не знаат како да ги смират. Повеќето мајки веќе не се чувствуваат убави и привлечни, а често мислат дека и сопругот така мисли, иако никогаш за тоа не зборуваат. Сето ова, заедно со хроничниот замор може да биде лошо за интимата. Добро е да се знае дека ни татковците не се чувствуваат баш добро по раѓањето на бебето.
Прво, одговорноста кон семејството е поголема. Често татковците се прашуваат дали воопшто им се интересни на сопругите, со оглед на тоа што мајките целото време го поминуваат со детето. Но, за да се надмине овој проблем, потребно е малку време. Промените кои се случуваат се сосема нормални и за нив треба отворено да се зборува. Секако дека се сакате, па штом ќе се навикнете на новата ситуација, бракот многу ќе се подобри.
Време само за вас
Кога ќе помине малку време по раѓањето на бебето, обидете се како брачен пар да издвоите моменти само за вас. Па и ако сте дома со бебето, не мора постојано да зборувате за него. Разговарајте за различни теми, разменете нежности. Ако имате кому да го оставите да го причува бебето, излезете на прошетка, отидете на вечера.
