Продолжува развојот на мозокот со диференцијација на функциите. Во изминатите неколку недели, мотроните неврони (нервни клетки) ја вршеле својата функција, но сега бебето веќе е свесно дека управува со своите движења. Почнува обложувањето на нервните влакна со миелин.
Екстремитетите достигнуваат соодветна пропорција. Бебето е долго од 20 до 23 сантиметри, а тешко од 200 до 250 грама.
Продолжува растот на матката, растот на постелката и на фетусот. Зголемената матка го заоблува пределот на стомакот, доаѓа до губење на половината, се јавуваат промени во држењето, а може да дојде и до пореметување во спиењето. Продолжува и зголемувањето на телесната тежина, но како и до сега, обрнувајте внимание на квалитетната исхрана, без прекумерно внесување на јаглехидрати и масти.
Многу трудници имаат проблеми со спиењето, особено во последното тромесечје од бременоста и пред породувањето, пред се поради болките во грбот, или грчеви во листовите, како и поради зголемениот стомак кој не овозможува добра положба при спиењето. Движењата на бебето навечер се зголемуваат, оти мајката е опоопуштена и посмирена.
- Можна е појава и на блага напнатост.Ова се мали совети кои може да ви помогнат:
- Навечер јадете лесна храна и внесувајте количински помалку храна
- Попладне избегнувајте консумирање на кафе и на чај
- Доцна попладне излезете на прошетка
- Чаша топло млеко пред спиење може да помогне
- Избегнувајте било какви лекови за спиење
Цервикометријата е илтразвучен преглед на грлото на матката и е многу важен, бидејќи со него се следи должината и затвореноста на грлото и се прави проценка дали постои потреба за мирување и евентуално одржување на бременоста.
