Лицето на вашето бебе поприма се повеќе изглед на право бебенце. Очите се веќе приближени на нормална оддалеченост и се уште се затворени, но реагираат на светлост. На очните капаци се развиваат трепки, а на главата уште поинтензивно расте коса. Обрнете внимание дека и вашето бебе ќе реагира во случај на некоја ваша стресна ситуација, и тоа преку удирање или клоцање.
Бебето е долго околу 30-35 сантиметри, а тешко околу 500 грама.
Продолжува растот на матката, при што нејзиниот врв (фундус) сега го достигнува папокот. Кај прекумерното дебелеење, оваа граница може да биде значајно погоре.
Во такви случаи, препорачливо е да се направи и тест на оптеретување со глукоза – OGTT (“oral glucose tolerance test”). Тестот се прави многу едноставно: пред и 120 минути по земање на шеќерен напиток се одредува нивото на глукозата во окрвта на бремената жена. На овој начин се проверува толеранцијата на глукоза, односно адекватноста на реакцијата на панкреасот (излачување инсулин).
Доколку е утврдено дека постои гестациски дијабетес, понатамошна инсулинска терапија не е неопходна, но треба да се обрне внимание на исхраната. Вашиот матичен гинеколог во договор со матичниот лекар ќе ви даде совети кои намирници треба да ги избегнувате, како правилно да ги распоредите оброците во текот на денот и на кои намирници треба да им дадете предност.
